________________ 148 अंग-पविट्ठ सुत्ताणि भोयणाए // एवं एगे पागन्भिया णिक्खम्म मामगं धम्मं पण्णवेंति / तं सद्दहमाणा तं पत्तियमाणा तं रोएमाणा साहु सुयक्खाए समणे त्ति वा माहणे त्ति वा काम खलु आउसो ! तुमं पूययामि, तं जहा-असणेण वा पाणेण वा खाइमेण वा साइमेण वा वत्थेण वा पडिग्गहेण वा कम्बलेण वा पायपुंछणेण वा। तत्थेगे पूयणाए समाउटिंसु तत्थेगे पूयणाए णिकाइंसु / / पुव्वमेव तेसिं णायं भवइ-समणा भविस्सामो अणगारा अकिंचणा अपुत्ता अपसू परदत्तभोइणो भिक्खुणो पावं कम्मं णो करिस्सामो समुठ्ठाए। ते अप्पणा अप्पडिविरया भवंति, सयमाइयंति अण्णे वि आइयावेंति अण्णं वि आययंतं समणुजाणंति एवमेव ते इत्थिकांमभोगेहिं मुच्छिया गिद्धा गढिया अज्झोववण्णा लुद्धा रागदोसवसट्टा / ते णो अप्पाणं समुच्छेदेति ते णो परं समुच्छे. देंति ते णो अण्णाई पाणाई भूयाई जीवाइं सत्ताई समुच्छेदेति, पहीणा पुब्वसंजोगं आयरियं मग्गं असंपत्ता इइ ते णो हव्वाए णो पाराए अंतरा कामभोगेसु विसण्णा / इइ पढमे पुरिसजाए तज्जीवतच्छरीरए त्ति आहिए // 9 // __ अहावरे दोचे पुरिसजाए पंचमहन्भूइए त्ति आहिज्जइ / इह खलु पाईणं वा 6 संतेगइया मणुस्सा भवंति अणुपुव्वेणं लोयं उववण्णा, तं जहा-आरिया वेगे अणारिया वेगे एवं जाव दुरूवा वेगे। तेसिं च णं महं एगे राया भवइ महया एवं चेव गिरवसेसं जाव सेणावइपुत्ता। तेसिं च णं एगइए सड्डी भवइ कामं तं समणा य माहणा य पहारिंसु गमणाए / तत्थ अण्णयरेणं धम्मेणं पण्णत्तारो वयं इमेणं धम्मेणं पण्णवइस्सामो से एवमायाणह भयंतारो ! जहा मए एस धम्मे सुअक्खाए सुपण्णत्ते भवइ / इह खलु पंचमहन्भूया जेहिं णो विज्जइ किरिया त्ति वा अकिरिया त्ति वा सुक्कडे त्ति वा दुक्कडे त्ति वा कल्लाणे त्ति वा पावए त्ति वा साहु नि वा असाहु त्ति वा सिद्धि त्ति वा असिद्धि त्ति वा णिरए त्ति वा अणिरए त्ति वा अवि अंतसो तणमायमवि / / तं च पिहुद्देसेणं पुढोभूयसमवाय जाणेज्जा / तं जहा पुढवी एगे महब्भूए, आऊ दुचे महब्भूए, तेऊ तच्चे महब्भूए, वाऊ चउत्थे महब्भूए, आगासे पंचमे महब्भूए / इच्चेए पंच महन्भूया अणिम्मिया अणिम्माविया अकडा णो कित्तिमा णो कडगा अणाइया अणिहणा अवंझा अपुरोहिया सांता सासया आयछट्ठा / पुण एगे एवमाहु-सओ णत्थि विणासो असओ णत्थि संभवो। एयावया व जीवकाए एयावया व अत्थिकाए एयावया व सव्वलोए, एयं मुहं लोगस्स
