________________ 146 अंग-पविट्ठ सुत्ताणि बुइए / एवमेयं च खलु मए अप्पाह? समणाउसो ! से एवमेयं बुइया|८||इह खलु पाईणं वा पडीणं वा उदीणं वा दाहिणं वा संतेगइया मणुस्सा भवंति अणुपुवेणं लोग उववण्णा / तंजहा--आरिया वेगे अणारिया वेगे उच्चागोया वेगे णीयागोया वेगे कायमंता वेगे रहस्समंता वेगे सुवण्णा वेगे दुव्वण्णा वेगे सुरूवा वेगे दुरूवा वेगे / तेसिं च णं मणुयाणं एगे राया भवइ महया हिमवंतमलयमंदरमहिंदसारे अचंतविसुद्धरायकुलवंसप्पसूए णिरंतररायलक्खणविराइयंगमंगे बहुजणबहुमाणपूइए सव्वगुणसमिद्धे खत्तिए मुदिए मुद्धाभिसित्ते माउपिउसुजाए दयप्पिए सीमंकरे सीमंधरे खेमंकरे खेमंधरे मास्सिंदे जणवयपिया जणवयपुरोहिए सेउ. करे केउकरे णरपवरे पुरिसपवरे पुरिससीहे पुरिसआसीविसे पुरिसवरपोण्डरीए पुरिसवरगंधहत्थी अड्डे दित्ते वित्ते विच्छिण्णविउलभवणसयणासणजाणवाहणाइण्णे बहुधणबहुजायरूवरयए आओगपओगसंपउत्ते विच्छड्डियपठरभत्तपाणे बहुदासीदासगोमहिसगवेलगप्पभूए पडिपुण्णकोसकोट्ठागाराउहागारे बलवं दुब्बलपचामित्ते ओहयकण्टयं णिहयकण्टयं मलियकण्टयं उद्धियकण्टयं अकण्टयं ओहयसत्तू णियह सत्तू मलियसत्तू उद्धियसत्तू णिज्जियसत्तु पराइयसत्तू ववगबदुभिक्खमारिभयविप्पमुक्कं (रायवण्णओ जहा उववाइए) जाव पसंतडिम्बडमरं रजं पसाहेमाणे विहरइ / तस्स णं रण्णो परिसा भवइ उग्गा उग्गपुत्ता भोगा भोगपुत्ता इक्खागाइ इक्खागाइपुत्ता णाया णायपुत्ता कोरव्वा कोरवपुत्ता भट्टा भट्टपुत्ता माहणा माहणपुत्ता लेच्छइ लेच्छइपुत्ता पसत्थारो पसत्थपुत्ता सेणावई सेणावइपुत्ता। तेसिं च णं एगइए सड्डी भवइ कामं तं समणा वा माहणा वा संपहारिंसु गमणाए। तत्थ अण्णयरेणं धम्मेणं पण्णत्तारो वयं इमेणं धम्मेणं पण्णवइस्सामो से एवमायाणह भयंतारो जहा मए एस धम्मे सुयक्खाए सुपण्णत्ते भवइ / तं जहा-उ8 पायतला अहे केसग्गमत्थया तिरिय तयपरियंते जीवे एस आयापज्जवे कसिणे एस जीवे जीवइ, एस मए णो जीवए, सरीरे धरमाणे धरइ विणट्ठम्मि य णो धरइ / एयं तं जीवियं भवइ, आदहणाए परेहि णिज्जइ, अगणिझामिए सरीरे कवोयवण्णाणि अट्ठीणि भवंति आसंदीपंचमा पुरिसा गामं पञ्चागच्छंति, एवं असंते असंविज्जमाणे / जेसिं तं असंते असंविज्जमाणे तेसिं तं सुयक्खायं भवइ-अण्णो भवइ जीवो अण्णं सरीरं, तम्हा ते एवं णो विपडिवेदेति-अयमाउसो! आया दीहे त्ति वा हस्से त्ति वा परिमण्डले त्ति वा वट्टे त्ति वा तसे
