Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 158

सूयगडो सु. 2 अ.१ 145 उण्णिक्खिस्सामि त्ति कटु इइ वुच्चा से पुरिसे अभिक्कमे तं पुक्खरिणिं / जावं जावं च णं अभिक्कमे तावं तावं च णं महंते उदए महंते सेए जाव णिसण्णे चउत्थे पुरिस जाए // 5 // अह भिक्खू लूहे तीरट्ठी खेयण्णे जाव गइपरिक्कमण्णू अण्णयराओ दिसाओ वा अणुदिसाओ वा आगम्म तं पुक्खरिणिं तीसे पुक्खरिणीए तीरे ठिच्चा पासइ तं महं एगं पउमवरपोण्डरीयं जाव पडिरूवं / ते तत्थ चत्तारि पुरिसजाए पासइ पहीणे तीरं अपत्ते जाव पउमवरपोण्डरीयं णो हव्वाए णो पाराए अंतरा पुकावरिणीए सेयंसि णिसण्णे / तए णं से भिक्खू एवं वयासी-अहो णं इमे पुरिसा अखेयण्णा जाव णो मग्गस्स गइपरिक्कमण्णू जं एए पुरिसा एवं मण्णे अम्हे एयं पउमवरपोण्डरीयं उण्णिक्खिस्सामो, णो य खलु एयं पउमवरपोण्डरीयं एवं उणिक्खेयव्वं जहा णं एए पुरिसा मण्णे / अहमंसि भिक्खू लूहे तीरट्ठी खेयण्णे जाव मग्गस्स गइपरिक्कमण्णू अहमेयं पउमवरपोण्डरीयं उण्णिविखस्सामि त्ति कटु इइ वुच्चा से भिक्खू णो अभिक्कमे तं पुक्खरिणिं तीसे पुक्खरिणीए तीरे ठिच्चा सहं कुज्जा-उप्पयाहि खलु भो पउमवरपोण्डरीया ! उप्पयाहि / अह से उप्पइए पउमवरपोण्डरीए।॥६॥किट्टिए णाए समणाउसो! अढे पुण से जाणियव्वे भवइ / भंते ! त्ति समणं भगवं महावीरं णिग्गंथा यणिग्गंथीओ य वंदंति णमंसंति वंदित्ता णमंसित्ता एवं वयासी-किट्टिए णाए समणाउसो! अढे पुण से ण जाणामो समणाउसो त्ति / समणे भगवं महावीरे ते य बहवे णिग्गंथे य णिग्गंथीओ य आमंतेत्ता एवं वयासी-हंत समणाउसो! आइक्खामि विभावेमि किट्टेमि पवेए मि सअटुं सहेउं सणिमित्तं भुजो भुज्जो उवदंसेमि से बेमि।।जालोयं च खलु मए अप्पाहटु समणाउसो! पुक्खरिणी बुइया / कम्मं च खलु मए अप्पाहटु समणाउसो ! से उदए बुइए / कामभोगे य खलु मए अप्पाहटु समणाउसो! से सेए बुइए / जणजाणवयं च खलु मए अप्पाह? समणाउसो ! ते बहवे पउमवरपोण्डरीए बुइए / रायाणं च खलु मए अप्पाह? समणाउसो ! से एगे महं पउमवरपोण्डरीए बुइए / अण्णतित्थिया य खलु मए अप्पाहटु समणाउसो! ते चत्तारि पुरिसजाया बुइया / धम्म च खलु मए अप्पाहट्ट समणाउसो ! से भिक्खू बुइए / धम्मतित्थं च खलु मए अप्पाहटु समणाउसो ! से तीरे बुइए / धम्मकहं च खलु मए अप्पाहटु समणाउसो ! से सहे बुइए / णिव्वाणं च खलु मए अप्पाह? समणाउसो ! से उप्पाए