Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 148

सुयगडो सु. 1 अ. 11 135 अप्पाण णिवट्टएजा। हिंसप्पसूयाई दुहाई मत्ता वेराणुबंधीणि महब्भयाणि // 21 // मुसं ण बूया मुणि अत्तगामी णिव्वाणमेयं कसिणं समाहिं / सयं ण कुज्जा ण य कारवेज्जा करंतमण्णं पि य णाणुजाणे // 22 // सुद्धे सिया जाए ण दूसएज्जा अमुच्छिए ण य अज्झोववण्णे / धिइमं विमुक्के ण य पूयणट्ठी ण सिलोयगामी य परिव्वएज्जा / / 23 // णिक्खम्म गेहाउ णिरावकंखी कायं विउस्सेज णियाणछिण्णे / णो जीवियं णो मरणाभिकंखी चरेज्ज भिक्खू वलया विमुक्के // 24 // ॥त्ति बेमि // . मग्गे णाम एगारसमं अज्झयणं कयरे मग्गे अक्खाए माहणेणं मईमया / जं मग्गं उज्जु पावित्ता ओहं तरइ दुत्तरं ? // 1 // तं मग्गं णुत्तरं सुद्धं सव्वदुक्खविमोक्खणं / जाणासि णं जहा भिक्खू तं णो बूहि महामुणी // 2 // जइ णो. केइ पुच्छिज्जा देवा अदुव माणुसा। तेसिं तु कयरं मग्गं आइक्खेज्ज कहाहि णो / / 3 / जइ वो केइ पुच्छिज्जा देवा अदुव माणुसा / तेसिमं पडिसाहेज़्जा मग्गसारं सुणेह मे // 4 // अणुपुव्वेण महाघोरं कासवेण पवेइयं / जमायाय इओ पुव्वं समुदं ववहारिणो // 5 // अतरिंसु तरंतेगे तरिस्संति अणागया / तं सोचा पडिवक्खामि जंतवो तं सुणेह मे // 6 // पुढवीजीवा पुढो सत्ता आउजीवा तहाऽगणी। वाउजीवा पुढो सत्ता तणरुक्खा सबीयगा // 7 // अहावरा तसा पाणा एवं छक्काय आहिया / एयावए जीवकाए णावरे कोइ विज्जई // 8 // सव्वाहिं अणुजुत्तीहिं मइमं पडिलेहिया / सव्वे अकंतदुक्खा य अओ सव्वे ण हिंसया // 9 // एयं खु णाणिणो सारं जंण हिंसइ कंचण / अहिंसा समयं चेव एयावंतं वियाणिया || 10 // उर्दू अहे य तिरियं जे केइ तसथावरा / सव्वत्थ विरई कुज्जा संति णिवाणमाहियं // 11 // पभू दोसे णिराकिच्चा ण विरुज्झेज्ज केणइ / मणसा वयसा चेव कायसा चेव अंतसो // 12 // संवुडे से महापण्णे धीरे दत्तेसणं चरे। एसणासमीए णिचं वज्जयंते अणेसणं // 13 / / भूयाइं च समारम्भ तमुहिस्सा य जं कडं / तारिसं तु ण गिण्हेज्जा अण्णपाणं सुसंजए // 14 // पूईकम्म ण सेवेज्जा एस धम्मे वुसीमओ / जं किंचि अभिकंखेज्जा सव्वसो तं ण कप्पए // 15 // हणंतं णाणुजाणेज्जा आयगुत्ते जिइंदिए / ठाणाई संति सड्ढीणं गामेसु णगरेसु वा // 16 // तहा गिरं समारब्भ अत्थि पुण्णं ति णो