________________ अणुत्तरोववाइयदसाओ व. 3 1355 राया, तेणं कालेणं तेणं समएणं समणे भगवं महावीरे समोसढे परिसा जिग्गया सेणिओ णिग्गए धम्मकहा परिसा पडिगया / तए णं से सेणिए राया समणस्स भगवओ महावीरस्स अंतिए धम्म सोच्चा णिसम्म समणं भगवं महावीरं वंदइ णमंसइ वं० 2 ता एवं वयासी-इमासि गं भंते ! इंदभूइपामोक्खाणं चोदसण्हं समणसाहस्सीणं कयरे अणगारे महादुक्करकारए चेव महाणिज्जरयराए चेव ? एवं खलु सेणिया ! इमासि इंदभूइपामोक्खाणं चोद्दसण्हं समणसाहस्सीणं धण्णे अणगारे महादुक्करकारए चेव महाणिज्जरयराए चेव / से केपट्टेणं भंते ! एवं वच्चइ इमासि जाव साहस्सीणं धणे अणगारे महादुक्करकारए चेव महा. णिज्जरयराए चेव ? एवं खल सेणिया! तेणं कालेणं तेणं समएणं कायंदी णामं णयरी.होत्था० उप्पि पासायडिसए विहरइ, तए णं अहं अण्णया कयाइ पुब्वाणुपुवीए चरमाणे गामाणुगामं दूइज्जमाणे जेणेव कायंदी णयरी जेणेव सहसंबवणे उज्जाणे तेणेव उवागए [उवागमित्ता] अहापडिरूवं उग्गहं उग्गिाहामि 2 त्ता संजमेणं जाव विहरामि, परिसा णिग्गया, तहेव जाव पव्व. इए जाव बिलमिव जीव आहारेइ / धण्णस्स णं अणगारस्स पादाणं सरीरवण्णओ सव्वो जाव उवसोभेमाणे 2 चिट्ठइ, से तेणठेणं सेणिया! एवं वुच्चइइमासि चउदसण्हं समणसाहस्सीणं धणे अणगारे महादुक्करकारए महाणिज्जरयराए चेव / तए णं से सेणिए राया समणस्स भगवओ महावीरस्स अंतिए एयमलै सोच्चा णिसम्म हट्ठ० समणं भगवं महावीरं तिक्खुत्तो आया. हिणं पयाहिणं करेइ 2 ता वंदइ णमंसइ वं० 2 ता जेणेव धण्णे अणगारे तेणेव उवागच्छइ 2 ता धणं अणगारं तिक्खुत्तो आयाहिणपयाहिणं करेइ 2 ता दइ णमंसइ वं० 2 एवं वयासी-धण्णेऽसि णं तुम देवाणुप्पिया ! सुपुण्णे० सुकयत्थे कयलक्खणे सुलद्धे णं देवाणप्पिया ! तव माणुस्सए जम्मजीवियफले. त्तिकट्ट वंदइ णमंसइ वं० 2 ता जेणेव समणे भगवं महावीरे तेणेव उवागच्छइ 2 ता समणं भगवं महावीरं तिक्खुत्तो जाव वंदइ णमंसइ वं. 2 ता जामेव दिसं पाउन्मूए तामेव दिसं पडिगए // 4 // तए णं तस्स धण्णस्स अणगारस्स अण्णया कयाइ पुग्वरत्तावरत्तकालसमयंसि धम्मजागरियं० इमेया. रूवे अज्झथिए० एवं खलु अहं इमेणं उरालेणं० जहा खंदओ तहेव चिंता आपुच्छणं थेरेहिं सद्धि विउलं दुरूहइ मासिया संलेहणा णवमासा परियाओ
