________________ 1356 अंग-पविटु सुत्ताणि जाव कालमासे कालं किच्चा उदढं चंदिम जाव णवयगेवेज्जविमाणपत्थडे उड्ढे दूरं वीईवइत्ता सध्वसिद्धे विमाणे देवत्ताए उववष्णे। थेरा तहेव ओयरंति जाव इमे से आयारभंडए। भंतेत्ति ! भगवं गोयमे तहेव पुच्छइ जहा खंदयस्स भगवं वागरेइ जाव सम्वसिद्ध विमाणे उववणे / धण्णस्स णं भंते ! देवस्स केवइयं कालं ठिई पण्णत्ता ? गोयमा ! तेत्तीसं सागरोवमाइं ठिई पण्णत्ता। से णं भंते ! ताओ देवलोगाओ (आ० 3) कहिं गच्छिहिइ कहि उववजिहि ? गोयमा ! महाविदेहे वासे सिज्झिहिइ 5 / तं एवं खलु जंबू ! समणेणं जाव संपत्तेणं पढमस्स अज्झयणस्स अयमठे पण्णत्ते // 5 // पढमं अज्झयणं समत्तं // जइ णं भंते ! 0 उक्खेवओ एवं खल जंब ! तेणं कालेणं तेणं समएणं काकंदी णयरी जियसत्तू राया तत्थ णं काकंदीए णयरीए भद्दा-णाम सत्यवाही परिवसइ अड्डा०, तीसे गं भद्दाए सत्थवाहीए पुत्ते सुणक्खत्ते णामं दारए होत्था अहीण. जाव सुरूवे पंचधाइपरिक्खित्ते जहा धण्णो तहा बत्तीसओ दाओ जाव उप्पि पासायडिसए विहरइ / तेणं कालेणं तेणं समएणं समोसरणं जहां धण्णे तहा सुणक्खत्ते वि णिग्गए जहा थावच्चापुत्तस्स तहा णिक्खमणं जाव अणगारे जाए ईरियासमिए जाव बंभयारी। तए णं से सुणक्खत्ते अणगारे जं चेव दिवसं समणस्स भगवओ महावीरस्स अंतिए मुंडे जाव पव्वइए तं चेव दिवस अभिग्गहं तहेव जाव बिलमिव * आहारेइ संजमेणं जाव विहरइ 0 बहिया जणवयविहारं विहरइ एक्कारस अंगाई अहिज्जइ संजमेणं तवसा अप्पाणं भावेमाणे विहरइ। तए णं से सुणक्खत्ते अ० तेणं ओरालेणं. जहा खंदओ। तेणं कालेणं तेणं समएणं रायगिहे णयरे गुणसिलए चेइए सेणिए राया सामी समोसढे परिसा णिग्गया राया णिग्गओ धम्मकहा राया पडिगओ परिसा पडिगया। तए णं तस्स सुणक्खत्तस्स अण्णया कयाइं पुत्र रत्तावरत्तकालसमयंसि धम्मजा. जहा खंदयस्स बहू वासा परियाओ गोयमपुच्छा तहेव कहेइ जाव सम्वट्ठसिद्धे विमाणे देवत्ताए उववणे तेत्तीसं सागरोवमाइं ठिई पण्णत्ता, से णं भंते ! महाविदेहे वासे सिज्झिहिइ / बीयं अज्झयणं समत्तं // एवं सुणक्खत्तगमेणं सेसा-वि अट्ट भाणियव्वा, गवरं आणुपुवीए दोणि रायगिहे दोणि साएए दोण्णि वाणियग्गामे णवमो हस्थिणापुरे दसमो रायगिहे णवण्हं भद्दाओ जणणीओ णवण्ह-वि बत्तीसओ दाओ णवण्हं णिक्खमणं थावच्चापुत्तस्स सरिसं वेहल्लस्स.
