________________ अंतगडदसाओ व. 6 1339 वयासी-के गं भंते ! तुम्भे ? किं वा अडह ? तए णं भगवं गोयमे अइमत्तं कुमारं एवं वयासी-अम्हे गं देवाणुप्पिया ! समणा णिग्गंथा ईरियासमिया जाव गुत्त बंभयारी उच्च जाव अडामो / तए णं अइमुत्ते कुमारे भगवं गोयमं एवं वयासी-एह णं भंते ! तुब्भे जण्णं अहं तुम्भं भिक्खं दवावेमी तिकट्ठ भगवं गोयमं अंगुलीए गेण्हइ 2 ता जेणेव सए गिहे तेणेव उवागए / तए णं सा सिरिदेवी भगवं गोयम एज्जमाणं पासइ 2 ता हट्ठ० आसणाओ अब्मटठेइ 2 ता जेणेव भगवं गोयमे तेणेव उवागया भगवं गोयमं तिक्खुत्तो आयाहिण. पयाहि० वंदइ० विउलेणं असण. जाव पडिविसज्जेइ / तए णं से अइमत्ते कुमारे भगवं गोयमं एवं वयासी-कहि गं भंते ! तुब्भे परिवसह ? तए णं से भगवं गोयमे अइमुत्तं कुमारं एवं वयासी-एवं खलु देवाणुप्पिया ! मम धम्मायरिए धम्मोवएसए भगवं महावीरे आइगरे जाव संपाविउकामे इहेव पोलासपुरस्स णयरस्स बहिया सिरिवणे उज्जाणे अहापडिरूवं उग्गहं उग्गिण्हित्ता संजमेणं जाव भावेमाणे विहरइ, तत्थ गं अम्हे परिवसामो। तए णं से अइमुत्ते कुमारे भगवं गोयम एवं वयासी-गच्छामि गं भंते ! अहं तुहिं सद्धि समणं भगवं महावीरं पायवंदए ? अहासुहं देवाणुप्पिया! तए णं से अइमत्ते कुमारे भगवया गोयमेणं सद्धि जेणेव समणे भ० महावीरे तेणेव उवागच्छइ 2 त्ता समणं भगवं महावीरं तिक्खुत्तो आयाहिण पयाहिणं करेइ 2 ता वंदइ जाव पज्जवासइ / तए णं भगवं गोयमे जेणेव समणे भगवं महावीरे तेणेव उवागए जाव पडिदसेइ 2 ता संजमेणं तव. विहरइ / तए णं समणे भगवं महावीरे अइमुत्तस्स कुमारस्स. तीसे य धम्मकहा, तए गं से अइमते कु० समणस्स भगवओ महावीरस्स अंतिए धम्म सोच्चा णिसम्म हट्ट. जं णवरं देवाणप्पिया ! अम्मापियरो आपुच्छामि, तए गं अहं देवाणप्पियाणं अंतिए जाव पव्वयामि / अहासुहं देवाणुपिया ! मा पडिबधं करेह / तए गं से अइमते कुमारे जेणेव अम्मापियरो तेणेव उवागए जाव पव्वइत्तए / अइ. मत्तं कुमारं अम्मापियरो एवं वयासी-बाले-सि ताव तुमं पुत्ता ! असंबद्ध. सि.० कि णं तुमं जाणासि धम्म ? तए णं से अइमुत्ते कुमारे अम्मापियरो एवं वयासी-एबं खलु अहं अम्मयाओ ! जं चेव जाणामि तं चेव ण जाणामि जं चेव ण जाणामि तं चेव जाणामि / तए गं तं अइमुत्तं कुमारं अम्मापियरो
