________________ 1340 अंग-पविट्ठ सुत्ताणि एवं वयासी-कहं गं तुम पुत्ता ! जं चेव जाणसि जाव तं चेव जाणसि ? तए णं से अइमुत्ते कुमारे अम्मापियरो एवं वयासी-जाणामि अहं अम्मयाओ ! जहा जाएणं अवस्समरियव्वं ण जाणामि अहं अम्मयाओ ! काहे वा कहिं वा कह वा केचिरेण वा ? ण जाणामि अहं अम्मयाओ ! केहि कम्माययणेहिं जीवा णेरइयतिरिक्ख जोणियमणस्सदेवेसू उववज्जति, जाणामि णं अम्मयाओ ! जहा सएहि कम्माययणेहि जीवा रइय० जाव उववज्जंति, एवं खल अहं अम्म. याओ ! जं चेव जाणामि तं चेव ण जाणामि जं चेव ण जाणामि तं चेव जाणामि, तं इच्छामि गं अम्मयाओ ! तुमहिं अब्भणण्णाए जाव पव्वइत्तए। तए णं तं अइमुत्तं कुमारं अम्मापियरो जाहे णो संचाएंति बहहिं आघव० तं इच्छामो ते जाया ! एगदिवसमवि रायसिरि पासेत्तए / तए णं से अइमुत्ते कुमारे अम्मापिउवयणमणयत्तमाणे तुसिणीए संचिट्ठई अभिसेओ जहा महाबलस्स णिक्खमणं जाव सामाइयमाइयाई एक्कारस अंगाई अहिज्जइ बहूई वासाइं सामण्णपरियागं गुणरयणं जाव विपुले सिद्धे 15 / उ० सो० अ० ए० ख० ज० तेणंकालेणं तेणं समएणं वाणारसीए णयरीए काममहावणे चेइए तत्थ णं वाणा. रसीइए अलक्खे णामं राया होत्था। तेणं कालेणं तेणं समएणं समणे जाव विहरइ परिसा णिग्गया, तए णं से अलक्खे राया इमीसे कहाए लद्धठे स० हट्टतुट्ट० जहा कूणिए जाव पज्जवासइ धम्मकहा० / तए णं से अलक्खे राया समणस्स भगवओ महावीरस्स अतिए जहा उदायणे तहा णिक्खंते णवरं जेट्ठपुत्तं रज्जे अहिसिंचइ एक्कारस अंगाई बह वासा परियाओ जाव विपुले सिद्ध 16 / एवं जंबू ! समणेणं जाव छ?मस्स वग्गस्स अयमठे पण्णत्ते // 15 // सत्तमो वग्गो जइणं भंते ! सत्तमस्स वग्गस्स उक्खेवओ० जाव तेरस अज्झयणा पण्णत्ता तं०-णंदा तह गंदवई गंदोत्तर दिसेणिया चेव मरुया सुमरुया महमरुया मरुद्देवा य अट्ठमा // 1 // भद्दा य सुभद्दा य सुजाया सुमणाइया / भयदिण्णा य बोद्धधव्वा सेणिय भज्जाणं णामाई // 2 // जइणं भंते ! तेरस अज्झयणा पण्णत्ता पढमस्स णं भंते ! अज्झयणस्स समणेणं. के अट्ठे पण्णत्ते ? एवं खलु जंबू ! तेणं कालेणं तेणं समएणं रायगिहे णयरे
