________________ उवासगदसाओ अ.८ 1311 सयएणं समणोवासएणं, ण णज्जइ गं अहं केणवि कुमारेणं मारिज्जिस्सामि' त्तिक? भीया तत्था तसिया उम्विग्गा संजायभया सणियं 2 पच्चोसक्कइ, पच्चोसक्कित्ता जेणेव सए गिहे तेणेव उवागच्छइ, उवागच्छित्ता ओहय० जाव झियाइ / तए णं सा रेवई गाहावइणी अंतो सत्तरत्तस्स अलसएणं वाहिणा अभिभया अट्टदुहट्टवसट्टा कालमासे कालं किच्चा इमीसे रयणप्पभाए पुढवीए लोलुयच्चए णरए चउरासीइवाससहस्सटिइएसु रइएसु णेरइयत्ताए उववण्णा // 66 // तेणं कालेणं तेणं समएणं समणे भगवं महावीरे, समोसरणं, जाव परिसा पडिगया। 'गोयमा'इ ! समणे भगवं महावीरे एवं वयासी-‘एवं खलु गोयमा! इहेव रायगिहे णयरे ममं अंतेवासी महासयए णामं समणोवासए पोसहसालाए अपच्छिममारणंतियसंलेहणाए झूसियसरीरे भत्तपाणपडियाइक्खिए कालं अणव. कंखमाणे विहरइ। तए णं तस्स महासयगस्स रेवई गाहावइणी मत्ता जाव विकड. माणी 2 जेणेव पोसहसाला जेणेव महासयए तेणेव उवागच्छइ, उवागच्छित्ता मोहुम्माय जाव एवं वयासी-तहेव जाव दोच्चंपि तच्चपि एवं वयासीतए णं से महासयए समणोवासए रेवईए गाहावइणीए दोच्चंपि तच्चपि एवं वृत्ते समाणे आसुरुत्ते 4 ओहिं पउंजइ पउंजित्ता ओहिणा आभोएइ, आभोएत्ता रेवई गाहावईणि एवं वयासी-जाव 'उववज्जिहिसि'। णो खलु कप्पइ गोयमा! समणोवासगस्स अपच्छिम जाव झूसियसरीरस्स भत्तपाणपडियाइक्खियस्स परो संतेहिं तच्चेहि तहिहिं सम्भूएहिं अणिोहिं अकंतेहिं अप्पिएहि अमण. पुणेहि अमणामेहिं वागणेहि वागरित्तए, तं गच्छ णं देवाणुप्पिया! तुमं महा. सययं समणोवासयं एवं वयाहि-जो खल देवाणप्पिया ! कप्पइ समणोवासगस्स अपच्छिम-जाव भत्तपाणपडियाइ विखयस्स परो संतेहिं जाव वागरित्तए। तुमे य णं देवाणुप्पिया ! रेवई गाहावइणी संतेहिं 4 अणिठेहिं 5 वागरणेहि वागरिया, तं गं तुमं एयस्स ठाणस्स आलोएहि जाव जहारिहं च पायच्छित्तं पडिवज्जाहि / तए णं से भगवं गोयमे समणस्स भगवओ महावीरस्स तह त्ति एयम→ विणएणं पडिसुणेइ, पडिसुणेत्ता तओ पडिणिक्खमइ, पडिणिक्ख. मित्ता रायगिह णयरं मज्झंमज्झेणं अणुप्पविसइ, अणपविसित्ता जेणेव महासय. गस्स समणोवासयस्स गिहे जेणेव महासयए समणोवासए तेणेव उवागच्छइ / तए णं से महासयए समणोवासए भगवं गोयमं एज्जमाणं पासइ, पासित्ता हटु जाव हियए भगवं गोयमं वंदइ णमंसइ / तए णं से भगवं गोयमे महासययं
