________________ 1310 अंग-पविट्ठ सुत्ताणि एयमलैं जो आढाइ, णो परियाणाइ, अणाढायमाणे अपरियाणमाणे तुसिणीए धम्मज्झाणोवगए विहरइ / तए णं सा रेवई गाहावइणी महासययं समणोवासयं दोच्चंपि तच्चंपि एवं वयासो-'हं भो ! तं चेव भणइ, सोऽवि तहेव जाव अणाढायमाणे अपरियाणमाणे विहरइ / तए णं सा रेवई गाहावइणी महासयएणं समणोवासएणं अणाढाइज्जमाणी अपरियाणिज्जमाणी जामेव दिसि पाउन्भूया तामेव दिसि पडिगया // 64 // तए णं से महासयए समणोवासए पढमं उवासगपडिमं उवसंपज्जित्ताणं विहरइ। पढमं अहासुत्तं जाव एक्कारसऽवि / तए णं से महासयए समणोवासए तेणं उरालेणं जाव किसे धमणि. संतए जाए। तए णं तस्स महासययस्स समणोवासयस्स अण्णया कयाइ पुव्वरत्तावरत्तकाले धम्मजागरियं जागरमाणस्स अयं अज्झत्थिए 4-' एवं खलु अहं इमेणं उरालेणं जहा आणंदो तहेव अपच्छिममारणंतियसलेहणा. झूसियसरीरे भत्तपाणपडियाइक्खिए कालं अणवकंखमाणे विहरइ / तए णं तस्स महासयगस्स समणोवासगस्स सुभेणं अज्झवसाणेणं जाव खओवसमेणं ओहिणाणे समुप्पण्णे / पुरथिमेणं लवणसमुद्दे जोयणसाहस्सियं खेत्तं जाणइ पासइ, एवं दक्षिणेणं पच्चस्थिमेणं, उत्तरेणं जावं चुल्लहिमवंतं वासहरपव्वयं जाणइ पासइ, अहे इमीसे रयणप्पभाए पुढवीए लोलयच्चयं णरयं चउरासीइ. वाससहस्सट्टियं जाणइ पासइ // 65 // तए णं सा रेवई गाहावइणी अण्णया कयाइ मत्ता जाव उत्तरिज्जयं विकडमाणी 2 जेणेव पोलहसाला जेणेव महा. सयए समणोवासए तेणेव उवागच्छइ, उवागच्छित्ता महासययं तहेव भणइ, जाव दोच्चंपि तच्चपि एवं वयासी-'हं भो तहेव / तए णं से महासयए समणोवासए रेवईए गाहावइणीए दोच्चंपि तच्चपि एवं वृत्ते समाणे आसुरुत्ते 4 ओहिं पउंजइ, पउंजित्ता ओहिणा आभोएइ, आभएत्ता रेवई गाहावइणि एवं वयासी'हं भो रेवई ! अपत्थियपत्थिए ! 4 एवं खलु तुमं अंतो सत्तरत्तस्स अलसएणं वाहिणा अभिभया समाणी अट्टदुहवसट्टा असमाहिपत्ता कालमासे कालं किच्चा अहे इमीसे रयणप्पभाए पुढवीए लोलयच्चुए णरए चउरासीइवाससहस्सटिइ. एसु णेरइएसुणेरइयत्ताए उवज्जिहिसि' / तए णं सा रेवई गाहावइणी महा. सयएणं समणोवासएणं एवं वृत्ता समाणी एवं क्यासी-' रुठे णं ममं महासयए समणोवासए, होणे णं ममं महासयए समणोवासए अवज्झाया णं अहं महा.
