________________ उवासगदसाओ अ.८ 1309 उरालाई जाव विहरित्तए' एवं सम्पेहेइ, संपेहित्ता तासि दुवालसण्हं सवत्तीणं अंतराणि य छिहाणि य विवराणि य पडिजागरमाणी विहरइ / तए गं सा रेवई गाहावइणी अण्णया कयाइ तासि दुवालसण्हं सवत्तीणं अंतरं जाणित्ता छ सवत्तीओ सत्थप्पओगेणं उद्दवेइ, उद्दवेत्ता छ सवत्तीओ विसप्पओगेणं उद्दवेइ उद्दवेत्ता तासि दुवालसण्हं सवत्तीणं कोलघरियं एगमेगं हिरण्णकोडिं एगमेगं वयं सयमेव पडिवज्जइ, पडिवज्जिता महासयएणं समणोवासएणं सद्धि उरालाई भोगभोगाइं भुंजमाणी विहरइ / तए णं सा रेवई गाहावइणी मंसलोलुया मंसेसु मच्छिया जाव अज्झोववण्णा बहुविहेहि मंसेहि य सोल्लेहि य तलिएहि य भज्जिएहि य सुरं च महुं च मेरगं च मज्जं च सीधुं च पसणं च आसाएमाणी. 4 विहरइ // 62 // तए णं रायगिहे गयरे अण्णया कयाइ अमाघाए घठे यावि होत्था / तएणं सा रेवई गाहावइणी मंसलोलुया मंसेसु मुच्छिया 4 कोलघरिए पुरिसे सद्दावेइ, सद्दावेत्ता एवं वयासी-'तुम्मे गं देवाणुप्पिया ! मम कोलघरिएहितो वएहितो कल्लाल्लि दुवे दुवे गोण. पोयए उद्दवेह, उद्दवेत्ता ममं उवणेह / तए ते कोलघरिया पुरिसा रेवईए गाहावइणीए तहत्ति एयम→ विणएणं पडिसुर्णेति, पडिसुणेत्ता रेवईए गाहा. वइणीए कोलघरिएहितो वएहितो कल्लाकल्लि दुवे दुवे गोणपोयए वहेंति, वहेत्ता रेवईए गाहांवइणीए उवणेति / तए णं सा रेवई गाहावइणी तेहि गोणमंसेहिं सोल्लेहि य सुरं च 6 आसाएमाणी 4 विहरइ // 63 // तए णं तस्स महासयगस्स समणोवासगस्स बहूहि सील जाव भावेमाणस्स चोद्दस संवच्छरा वइक्कंता / एवं तहेव जेट्ठ पुतं ठवेइ जाव पोसहसालाए धम्मपत्ति उवसंपज्जित्ताणं विहरइ / तए णं सा रेवई गाहावइणी मत्ता लुलिया विइण्णकेसी उत्तरिज्जयं विकडमाणी 2 जेणेव पोसहसाला जेणेव महासयए समणोवासए तेणेव उवागच्छड, उवागच्छित्ता मोहुम्मायजणणाई सिंगारियाइं इत्थि. भावाइं उवदंसेमाणी 2 महासययं समणोवासयं एवं वयासी-'हं भो महा. सयगा ! समणोवासया ! धम्मकामया पुण्णकामया सग्गकामया मोक्खकामया धम्मकंखिया 4 धम्मपिवासिया 4 किण्णं तुम्भं देवाणुप्पिया ! धम्मेण वा पुणेण वा सग्गेण वा मोक्खेण वा ? जग्णं तुम मए सद्धि उरालाइं जाव भुंजमाणे णो विहरसि ?' / तए णं से महासयए समणोवासए रेवईए गाहावइणीए
