________________ 1308 अंग-पविट्ठ सुत्ताणि भणइ, सेसं जहा चुलणिपिया वत्तव्वया, णवरं अरुण मूए विमाणे उववणे, जाव महाविदेहे वासे सिज्झिहिइ (5) // 56 // णिक्खेवो // , . // सत्तमं अज्झयणं समत्तं // महासयए णाम अट्ठमं अज्झयणं अट्ठमस्स उक्खेवओ। एवं खलु जम्बू ! तेणं कालेणं तेणं समएणं रायगिहे णयरे / गुणसिलए चेइए / सेणिए राया। तत्थ णं रायगिहे महासयए णामं गाहावई परिवसह, अड्ढे-जहा आणन्दो / णवरं अट्ठ हिरण्णकोडीओ सकं. साओ णिहाणपउत्ताओ, अटू हिरमणकोडीओ सकंसाओ वडिपउत्ताओ, अटू हिरण्णकोडीओ सकंसाओ पवित्थरपउत्ताओ, अट्ट वया दसगोसाहस्सिएणं वएणं / तस्स णं महासयगस्स रेवईपामोक्खाओ तेरस भारियाओ होत्था, अहीण जाव सुरूवाओ / तस्स महासयगस्स रेवईए भारियाए कोल (ह)घ. रियाओ अट्ठ हिरणकोडीओ, अट्ठ-वया दसगोसाहस्सिएणं वएणं होत्था / अवसेसाणं दुवालसण्हं भारियाणं कोलघरिया एगमेगा हिरण्णकोडी, एगमेगे य वए दसगोसाहस्सिएणं वएणं होत्था // 60 // तेषं कालेणं तेणं समएणं सामी समोसढे / परिसा णिग्गया / जहा आणन्दो तहा णिग्गच्छइ, तहेव सावय. धम्म पडिवज्जइ / णवरं अट्ठ हिरण्णकोडीओ सकंसाओ उच्चारेइ, अट्ठ वया, रेवईपामोक्खाहि तेरसहि भारियाहि अवसेस मेहविहि पच्चवखाइ, सेसं सव्वं तहेव / इमं च णं एयारूवं अभिग्गहं अभिगिण्हइ-कल्लाल्लि च णं कप्पइ मे बे दोणियाए कंसपाईए हिरण्णमरियाए संववहरित्तए / तए णं से महासयए समणोवासए जाए अभिगयजीवाजीवे जाव विहरइ, तए णं समणे भगवं महा. वीरे बहिया जणवविहारं विहरइ // 61 // तए गं तीसे रेवईए गाहावइणीए अण्णया कयाइ पुवरत्तावरत्तकालसमयंसि कुडुम्ब जाव इमेयारूवे अज्झस्थिए ४-एवं खलु अहं इमासि दुवालसण्हं सवत्तीणं विघाएणं णो संचाएमि महास. यएणं समणोवासएणं सद्धि उरालाई माणुस्सयाई भोग भोगाई भुञ्जमाणी विह. रित्तए, तं सेयं खल ममं एयाओ दुवालस-वि सवत्तियाओ अग्गिप्पओगेणं वा सत्यप्पओगेणं वा विसप्पओगेणं वा जीवियाओ ववरोवित्ता, एयासि एगमेगं हिर. पणकोडि एगमेगं वयं सयमेव उवसम्पज्जित्ता णं महासयएणं समणोवासएणं सद्धि
