________________ उवासगदसाओ अ. 2 1289 समणोवासयं अभीयं जाव विहरमाणं पासइ, पासित्ता आसुरुत्ते 4 कामदेव समणोवासयं सोण्डाए गिण्हइ, गिहित्ता उड्ढं वेहासं उविहइ, उविहित्ता तिखेहि दंतमसलेहि पडिच्छइ, पडिच्छित्ता अहे धरणितलंसि तिक्खत्तो पाएस लोलेइ / तए णं से कामदेवे समणोवासए तं उज्जलं जाव अहियासेइ // 16 // तए णं से देवे हत्थिरूवे कामदेवं समणोवासयं जाहे णो संचाएइ जाव सणिय-सणियं पच्चोसक्कइ, पच्चोसक्कित्ता पोसहसलाओ पडिमिक्खमइ, पडिणिक्खमित्ता दिव्वं हत्थिरूवं विप्पजहइ, विप्पजहित्ता एगं महं दिव्वं सप्परूवं विउव्वइ-उग्गविसं चण्डविसं घोरविसं महाकाय मसीमसाकालगं णयणविसरोसपुण्ण अंजणपुंजणिगरप्पगासं रत्तच्छं लोहियलोयणं जमलजयलचंचलजीहं धरणीयलवेणिभयं उक्कडफुडकुडिलजडिलकक्कसवियडफडाडोव. करणदच्छं लोहागरधम्ममाणधमधमेतघोसं अणागलियतिब्वचण्डरीसं सप्परूवं विउच्वइ, 2 ता जेणेव पोसहमाला जेणेव कामदेवे समणावासए तेणेव उवा. गच्छइ, उवागच्छित्ता कामदेवं समणोवासयं एवं वयासी-ह भो कामदेवा ! समणोवासया ! जाव ण भंजेसि तो ते अज्जेच अहं सरसरस्स कायं दुरुहामि, 2 ता पच्छिमेणं भाएणं तिक्खुते गीवं वेढेमि वेढेत्ता तिक्खाहिं विसपरिगयाहिं दाढाहिं उरंसि चेव णिकुट्टेमि, जहा गं तुम अदुहट्टवसट्टे अकाले चेव जीवि. याओ ववरोविज्जसि' / तए णं से कामदेवे समणोवासए तेणं देवेणं सप्परवेणं एवं वृत्ते समाणे अभीए. जीव विहरइ, सोऽवि दोच्चंपि' तच्चपि भणड, काम. देवोऽवि जाव विहरइ / तए णं से देवे सप्परूवे कामदेवं समणोवासयं अभीयं जाव पासइ, पासित्ता आसुरुत्ते 4 कामदेवस्स समणोवासयस्स सरसरस्म कायं दुरुहह, दुरुहित्ता पच्छिममाएणं तिक्खुत्तो गीवं वेढेइ, वेढेत्ता तिक्खाहि विसपरिगयाहिं दाढाहिं उरंसि चेव णिकुट्टेइ / तए गं से कामदेवे समणोवासए तं उज्जलं जाव अहियासेइ // 20 // तए ण से देवे सप्परूवे कामदेवं समणोवासयं अभीयं जाव पासइ, पासित्ता जाहे णो संचाएइ कामदेवं समणोवासयं णिग्गंथाओ पावयणाओ चालित्तए वा खोभित्तए वा विपरिणामित्तए वा ताहे सते 3 सणियं-सणियं पच्चोसक्कड, पच्चोसक्कित्ता पोसहसालाओ पडिणिक्खमइ, पडिणिक्खमित्ता दिव्वं सप्परूवं विप्पजहइ विप्पजहिता एगं महं दिव्वं देवरूवं विउव्वइ, हारविराइयवच्छं जाव दस दिसाओ उज्जोवेमाणं पभासेमाणं पासाईयं
