________________ 1290 अंग-पविट्ठ सुत्ताणि दरिसणिज्ज अभिरूवं पडिरूवं दिव्वं देवरूवं विउच्वइ, विउवित्ता कामदेवस्स समणोवासयस्स पोसहसालं अणप्पविसइ, अणुप्पविसित्ता अंतलिक्खपडिवण्णे सखिखिणियाइं पंचवण्णाई वत्थाई पवरपरिहिए. कामदेवं समणोवासयं एवं वयासी-'हं भो कामदेवा ! समणोवासया ! धणे सि णं तुम देवा. गुप्पिया ! स (1) पुण्णे कयत्थे कयलक्खणे, सुलद्धे णं तव देवाणुप्पिया ! माणुस्सए जम्मजीवियफले, जस्स णं तव णिग्गंथे पावयणे इमेयारूवा पडिवत्ती लद्धा पत्ता अभिसमण्णागया / एवं खल देवाणुप्पिया ! सक्के देविदे देवराया जाव सक्कसि सीहासणंसि चउरासीईए सामाणियसाहस्सीणं जाव अर्णसिं च बहूणं देवाण य देवीण य मज्झगएं एवमाइक्खइ ४-एवं खलु देवा (0)! जम्बहीवे दीवे भारहे वासे चंपाए णयरीए कामदेवे समणोवासए पोसहसालाए पोसहियबम्भचारी जाव दब्भसंथारोवगए समणस्स भगवओ महावीरस्स अंतियं धम्मपत्ति उवसम्पज्जित्ताणं विहरइ, णो खलु से सक्का केणइ देवेण वा दाणवेण वा जाव गंधव्वेण वा णिग्गंथाओ पावयणाओ चालित्तए वा खोभित्तए वा विपरिणामित्तए वा। तए णं अहं सक्कस्स देविदस्स देवरणो एयमलै असहहमाणे 3 इहं. हव्वमागए, तं अहो णं देवाणप्पिया ! इड्ढी 6 लद्धा 3, तं दिट्ठा गं देवाणु प्पिया ! इड्ढी जाव अभिसमण्णागया, तं खामेमि देवाणप्पिया ! खमंतु मज्झ देवाणप्पिया ! खंतुमरहंति णं देवाणुप्पिया ! णाई भुज्जो करणयाए' तिकट्ठ पायवडिए पंजलि उडे एयमझैं भुज्जो भज्जो खामेइ, खामेत्ता जामेव दिसं पाउन्मए तामेव दिसं पडिगए / तर णं से कामदेवे समणोवासए णिरुवसग्गं तिकटु पडिमं पारेइ // 21 // तेणं कालेणं तेणं समएणं समणे भगवं महावीरे जाव विहरइ। तए गं से कामदेवे समणोवासए इमीसे कहाए लद्धठे समाणे 'एवं खल समणे भगवं महावीरे जाव विहरइ, तं सेयं खलु मम समणं भगवं महावीरं वंदित्ता णमंसित्ता तओ पडिणियत्तस्स पोसहं पारित्तए' त्ति कटु एवं संपेहेइ संपेहित्ता सुद्धप्पावेसाई वत्थाई जाव अप्पमहग्ध जाव मणुस्सवग्गुरापरिक्खित्ते सयाओ गिहाओ पडि. णिक्खमइ, पडिणिक्ख मित्ता चम्पं णयरिं मज्झमज्झणं णिग्गच्छइ, णिग्गच्छित्ता जेणेव पुण्णभद्दे चेइए जहा संखो जाव पज्जुवासइ / तए णं समणे भगवं
