________________ 1288 अंग-पविट्ठ सुत्ताणि णोवासयं अभीयं जाव धम्मज्झाणोवगयं विहरमाणं पासइ, पासित्ता दोच्चंपि तच्चपि कामदेवं समणोवासयं एवं वयासी-'हं भो कामदेवा ! . समणोवासया ! अपस्थियपत्थिया जइ णं तुमं अज्ज जाव ववरोविज्जसि' / तए णं से कामदेवे समणोवासए तेणं देवेणं दोच्चपि तच्चपि एवं वत्त समाणे अभीए जाव धम्मज्झाणोवगए विहरइ / तए णं से देवे पिसायरूवे कामदेवं समणो. वासयं अभीयं जाव विहरमाणं पासइ, पासित्ता आसुरुत्ते (5) तिवलियं भिडि णिडाले साहट्ट कामदेवं समणोवासयं णीलुप्पल जाव असिणा खण्डाखण्डि करेइ / तए णं से कामदेवे समणोवासए तं उज्जलं जाव दुरहियासं वेयणं सम्म सहइ जाव अहियासेइ // 18 // तए णं से देवे पिसायरूवे कामदेवं समणोवासयं अभीयं जाव विहरमाणं पासइ, पासित्ता जाहे णो संचाएइ कामदेवं समणो. वासयं णिग्गंथाओ पावयणाओ चालित्तए वा खोभित्तए वा विपरिणामित्तए वा ताहे संते तंते परितंते सणियं सणियं पच्चोसक्कइ. पच्चोसक्कित्ता पोसहसालाओ पडिणिक्खमइ, पडिणिक्खमित्ता दिव्वं पिसायरूवं विप्पजहइ, विप्पजहित्ता एगं महं दिव्वं हत्थिरूवं विउब्वइ, सत्तंगपइट्टियं सम्म संठियं सुजायं पुरओ उदग्गं पिट्ठओ वराहं अयाकुच्छि अलम्बकुच्छि पलम्बलम्बोदराधरकरं अन्म: ग्गयमउलमल्लियाविमलधवलदंतं कंचणकोसीपविद्वदंतं आणामियचावललिय. संविल्लियग्गसोण्डं कुम्मपडिपुण्णचलणं वीसइणक्खं अल्लीणपमाणजत्तपुच्छं मत्तं मेहमिव गुलगुलेंतं मणपवणजइणवेगं दिव्वं हस्थिरूवं विउन्विइ, विउव्वित्ता जेणेव पोसहसाला जेणेव कामदेवे समणोवासए तेणेव उवागच्छइ, उवागच्छिता कामदेवं समणोवासयं एवं वयासी-'हं भो कामदेवा ! समणोवासया ! तहेव भणइ जाव ण भंजेसि, तो ते अज्ज अहं सोण्डाए गिण्हामि, गिहित्ता पोसह. सालाओ गीणेमि, जीणेत्ता उड्ढं वेहासं उविहामि, उविहित्ता तिर्बोह दंतमुसलेहि पडिच्छामि, पडिच्छित्ता अहे धरणितलंसि तिक्नुत्तो पाएसु लोलेमि, जहा गं तुम अदृदुहट्टवसट्टे अकाले चेव जीवियाओ ववरोविज्जसि' / तए णं से कामदेवे समणोवासए तेणं देवेणं हस्थिरूवेणं एवं वुत्ते समाणे अभीए जाव विहरइ / तए णं से देवे हत्थिरूवे कामदेवं समणोवासयं अभीयं जाव विहरमाणं पासइ, पासित्ता दोच्चपि तच्चपि कामदेवं समणोवासयं एवं वयासी-हं भो कामदेवा ! तहेव जाव सोऽवि विहरइ / तए णं से देवे हत्थिरूवे कामदेवं
