________________ णायाधम्मकहाओ अ. 2 1287 संठाणसंठिया दो वि तस्स बाहा, णिसापाहाणसंठाणसंठिया दोवि तस्स अग्गहत्था, णिसालोढसंठाणसंठियाओ हत्थेसु अंगुलीओ, सिप्पिपुडगसंठिया से णक्खा, हावियपसेवओ व्व उरंसि लम्बंति दोऽवि तस्स थणया, पोट्टं अयकोदओ व्व वर्टी, पाणकलंदसरिसा से णाही, सिक्कगसंठाणसंठिया से णेत्ते, किण्णपुडसंठाणसंठिया दोऽवि तस्स बसणा, जमलकोट्ठियासंठाणसंठिया दोऽवि तस्स उरू, अज्जुणगढें व तस्स जाणूई कुडिलकुडिलाई विगयः बीभच्छदंसणाई, जंघाओ कक्खडीओ लोमेहि उवचियाओ, अहरीसंठाणसंठिया दोऽवि तस्स पाया, अहरीलोढसंठाणसंठियाओ पाएसु अंगुलीओ, सिप्पिपुड. संठिया से णक्खा, लडहमडहजाणुए विगयभग्गमुग्गभुमए अवदालियवयण. विवरणिल्लालियग्गजीहे सरडकयमालियाए उंदुरमालापरिणद्धसुकर्याचधे णउ. लकयकण्णपूरे सप्पकयवेगच्छे अप्फोडते अभिगज्जते भीममुक्कट्टहासे णाणा. विहपंचवणेहि लोमेहि उवचिए एगं महं गीलुप्पलगवलगुलियअयसिकुसुमप्पगासं असि ख़रधारं गहाय जेणेव पोसहसाला जेणेव कामदेवे समणोवासए तेणेव उवागच्छइ, उवागच्छित्ता आसुरत्ते रुठे कुविए चण्डिक्किए मिसि. मिसीयमाणे कामदेवं समणोवासयं एवं वयासी-हं भो कामदेवा ! समणो. वासया! अप्पत्थियपत्थिया दुरंतपंतलक्खणा होणपुण्णचाउद्दसिया हिरि. सिरिधिइ कित्तिपरिवज्जिया धम्मकामया पुण्णकामया सग्गकामया मोक्खकामया धम्मकंखिया पुग्णकंखिया सग्गकंखिया मोक्ख कंखिया धम्मपिवासिया पुण्णपिवासिया सग्गपिवासिया मोक्खपिवासिया णो खलु कप्पइ तव देवा. गुप्पिया ! जं सीलाई वयाई वेरमणाई पच्चक्खाणाई पोसहोववासाई चालित्तए वा खोभित्तए वा खंडित्तए वा भंजित्तए वा उज्झित्तए वा परिच्चइत्तए, वा, तं जइ गं तुमं अज्ज सीलाई जाव पोसहोववासई ण छडेसि ण भंजेसि तो ते अहं अज्ज इमेणं णीलप्पल जाव असिणा खण्डाजंण्ड करेमि, जहा गं तुमं देवाणुप्पिया ! अदुहट्टवसट्टे अकाले चेव जीवियाओ ववरोविज्जसि' / तए णं से कामदेवे समणोवासए तेणं देवेणं पिसायरूवेणं एवं वुत्ते समाणे अभीए अतत्थे अणुविग्गे अक्खुभिए अचलिए असम्भंते तुसिणीए धम्मज्झाणोवगए विहरइ // 17 // तए णं से देवे पिसायरूवे कामदेवे सम
