________________ 1286 अंग-पविट्ठ सुत्ताणि चत्तारि पलिओवमाई ठिई पण्णत्ता / आणंदे णं भंते ! देवे ताओ देवलोगाओ आउक्खएणं 3 अणंतरं चयं चइत्ता कहिं गच्छिहिइ ? कहि उववज्जिहिइ ? गोयमा ! महाविदेहे वासे सिज्झिहिइ // 15 // णिक्खेवो // पढमं अज्झयणं समत्तं // कामदेवे णामं बीयं अज्झयणं जइ गं भंते ! समणेणं भगवया महावीरेणं जाव संपत्तेणं सत्तमस्स अंगस्स . उवासगदसाणं पढ मस्स अज्झयणस्स अयमठे पण्णत्ते; दोच्चस्स णं भंते ! अज्झयणस्स के अठे पण्णते ? एवं खल जम्ब ! तेणं कालेणं तेणं समएणं चंपा णामं णयरी होत्था / पुष्णभद्दे चेइए। जियमत्त राया। कामदेवे गाहावइ / भद्दा भारिया / छ हिरण्णकोडीओ णिहाणपउत्ताओ, छ वुड्डिपउत्ताओ, छ पवित्थरपउत्ताओ / छ वया दसगोसाहस्सिएणं वएणं / (तेणं का० तेणं स० भगवं म०) समोसरणं / जहा आणंदो तहा णिग्गओ, तहेव सावयधम्म पडि. वज्जइ / सा चेव वतव्वया जाव जेट्टपुत्तं मित्तणाई (आपुच्छइ) आपुच्छित्ता जेणेव पोसहसाला तेणेव उवागच्छइ, उवागच्छित्ता जहा आणंदो जाव समणस्स भगवओ महावीरस्स अंतियं धम्मपत्ति उवसंपज्जित्ताणं विहरइ // 16 // तए ण तस्म कामदेवस्स समणोवासगस्स पुव्वरत्तावरत्तकालसमयंसि एगे देवे मायी मिच्छद्दिठी अंतियं पाउन्भए। तए णं से देवे एगं महं पिसायरूवं विउव्वइ / तस्स णं देवस्स पिसायरूवस्स इमे एयारूवे वण्णावासे पण्णत्ते-सीसं से गोकिलंजसठाणसंठियं, सालिमसेल्लसरिसा से केसा कविलतेएणं दिप्पमाणा, महल्लउट्टियाक भल्लसठाणसंठियं णिडालं मुगुंसपुंछ व तस्स भमगाओ फुग्गफुग्गाओ विगयबीभच्छदसणाओ, सीसघडिविणिग्गयाइं अच्छीणि विगय. बीभच्छदंसणाई, कण्णा जह सुप्पकत्तरं चेव विगयबीभच्छदंसणिज्जा, उरकमपुडसणिभा से णासा, झुसिरा जमलचल्लीसंठाणसंठिया दोऽवि तस्स णासा. पुडया, घोडयपुंछ व तस्स मंसूई कविलकविलाई विगयबीभच्छदसणाई, उदा. उदृस्स चेव लम्बा, फालसरिसा से दंता, जिन्भा जहा सुप्पकत्तरं चेव विगय. बीभच्छदंसणिज्जा, हलकुद्दालसंठिया से हणुया, गल्लकडिल्लं च तस्स खडं फुट कविलं फरसं महलं, मइंगाकारोवमे से खंधे, पुरवरकवाडोवमे से वच्छे, कोट्रिया.
