________________ 1202 अंग-पविट्ठ सुत्ताणि देवाणप्पिए ! समणीओ णिग्गंथीओ जाव गुत्तबंभचारिणीओ। णो खलु कप्पाइ अम्हं एयप्पयारं कण्णेहि वि णिसामेत्तए किमंग पुण उवदिसित्तए वा आयरित्तए वा ? अम्हे णं तव देवाणुप्पिया ! विचित्तं केवलिपण्णत्तं धम्म पडिकहिज्जामो / तए णं सा पोट्टिला ताओ अज्जाओ एवं वयासी-इच्छामि णं अज्जाओ ! तुम्ह अंतिए केवलिपण्णत्तं धम्मं णिसामित्तए / तए णं ताओ अज्जाओ पोट्टिलाए विचित्तं धम्म परिकहेंति / तए णं सा पोट्टिला धम्मं सोच्चा णिसम्म हट० एवं वयासी-सहहामि णं अज्जाओ ! णिग्गंथं पावयणं जाव से जहेयं तुम्मे क्यह, इच्छामि णं अहं तुब्भं अंतिए पंचाणुव्वइयं जाव धम्म पडि. वज्जित्तए / अहासुहं देवाणुप्पिया! तए णं सा पोट्टिला तासि अज्जाणं अंतिए पंचाणव्वइयं जाव धम्म पडिवंज्जइ ताओ अज्जाओ वंदइ णमंसइ वं० 2 ता पडिविसज्जेइ / तए णं सा पोट्टिला समणोवासिया जाया जाव पडिलाभमाणी विहरइ // 10 // तए णं तीसे पोटिलाए अण्णया कयाइ पुव्वरत्तावरत्तकाल. समयंसि कुडुंबजागरियं जागरमाणीए अयमेयारूवे अज्झथिए०-एवं खल अहं तेयलिपुत्तस्स पुटिव इट्ठा 5 आसि इंयाणि अणिट्ठा 5 जाव परिभोगं वा, तं सेयं खलु मम सुव्वयाणं अज्जाणं अंतिए पव्वइत्तए / एवं संपेहेइ 2 ता कल्लं पाउ० जेणेव तेयलिपुत्ते तेणेव उवागच्छइ 2 ता करयल जाव एवं वयासीएवं खलु देवाणुप्पिया ! मए सुब्बयाणं अज्जाणं अंतिए धम्मे णिसंते जाव अब्भणुण्णाया पव्वइत्तए / तए णं तेयलिपुत्ते पोट्टिलं एवं वयासी-एवं खलु तुमं देवाणुप्पिए ! मुंडा पव्वइया समाणी कालमासे कालं किच्चा अण्णयरेसु देवलोएसु देवत्ताए उववज्जिहिसि, तं जई गं तुम देवाणप्पिए ! ममं ताओ देवलोयाओ आगम्म केवलिपण्णत्ते धम्मे बोहिहि तो हं विसज्जेमि, अह णं तुमं ममं ण संबोहेसि तो ते ण विसज्जेमि / तए णं सा पोटिला तेयलिपुत्तस्स एयमझें पडिसुणेइ / तए णं तेयलिपुत्ते विउलं असणं 4 उवक्खडावेइ 2 ता मित्तणाइ जाव आमंतेइ जाव सम्माणेइ 2 पोट्टिलं व्हायं जाव पुरिससहस्स. वाहणीयं सीयं दुरूहिता मितणाइ जाव [सं] परिवडे सविडिए जाव रवेणं तेयलिपुरस्स मज्झमझेणं जेणेव सुब्बयाणं उवस्सए तेणेव उवागच्छइ 2 ता सोयाओ पच्चोरुहइ 2 ता पोट्टिलं पुरओ-कटु जेणेव सुव्वया अज्जा तेणेव उवागच्छइ 2 ता बंदइ णमंसइ वं० 2 ता एवं वयासी-एवं खलु देवाणुप्पिया!
