________________ णायाधम्मकहाओ अ. 14 1203 मम पोट्टिला भारिया इट्ठा 5 एस णं संसारभउबिग्गा जाव पव्वइ. तए, पडिच्छंतु णं देवाणुप्पिया ! सिस्सिणिभिक्खं दलयामि / अहासुहं मा पडिब्धं करेह / तए णं सा पोट्टिला सुव्वयाहिं अज्जाहि एवं वुत्ता समाणी हट्ट. उत्तरपुरस्थिमं दिसीभागं अवक्कमइ 2 त्ता सयमेव आभरणमल्लालंकार ओमुयइ 2 ता सयमेव पंचमुट्ठियं लोयं करेइ 2 त्ता जेणेव सुव्वयाओ अज्जाओ तेणेव उवागच्छइ 2 ता वंदइ णमंसइ वं० 2 ता एवं वयासी-आलित्ते णं भंते ! लोए एवं जहा देवाणंदा जाव एक्कारस अंगाई बहूणि वासाणि सामण्ण. परियागं पाउणइ 2 ता मासियाए संलेहणाए अत्ताणं झोसेत्ता सट्ठि भत्ताई अणसणाई आलोइयपडिवकता समाहिपत्ता कालमासे कालं किच्चा अण्णयरेसु देवलोएसु देवत्ताए उबवण्णा // 106 // तए णं से कणगरहे राया अण्णया कयाइ कालधम्मणा संजुत्ते यावि होत्था। तए णं ते राईसर जाव णीहरणं करेंति 2 ता अण्णमण्णं एवं वयासी-एवं खल देवाणप्पिया ! कणगरहे राया रज्जे य जाव पुत्ते वियंगित्था / अम्हे गं देवाणुप्पिया ! रायाहीणा रायाहिटिया रायाहीणकज्जा। अयं च णं तेयली अमच्चे कणगरहस्स रण्णो सबटाणेसु सवभूमियासु लद्धपच्चए दिणवियारे सव्वकज्जवट्टावए यावि होत्था / सेयं खल अग्हं तेयलिपुत्तं अमच्चं कुमारं जाइत्तए-त्तिकटु अण्णमष्णस्स एयमझें पडिसुणेति 2 ता जेणेव तेयलिपुत्ते अमच्चे तेणेव उवागच्छंति 2 ता तेयलिपुत्तं एवं क्यासी-एवं खलु देवाणुप्पिया ! कणगरहे राया रज्जे य रठे य जाव वियंगेइ, अम्हे (य) पं देवाणुप्पिया ! रायहीणा जाव रायहीणकज्जा, तुम च णं देवाणुप्पिया ! कणगरहस्स रण्णो सब्वट्ठाणेसु जाव रज्जधुराचितए (होत्था) तं जइ णं देवाणुप्पिया ! अस्थि केइ कुमारे रायलक्खणसंपण्णे अभिसेयारिहे तण्णं तुमं अम्हं दलाहि जाणं अम्हे महया 2 रायाभिसेएणं अभिसिंचामो। तए णं तेयलिपुत्ते तेसि ईसर जाव एयमठें पडिसुणे इ 2 त्ता कणगज्झयं कुमारं हायं जाव सस्सिरीयं करेइ 2 ता तेसि ईसर जाव उवणेइ 2 ता एवं वयासी-एस णं देवाणप्पिया ! कणगरहस्स रण्णो पुत्ते पउमावईए देवीए अत्तए कणगज्झए णामं कुमारे अभिसेयारिहे रायलक्खणसंपणे मए कणगरह. स्स रण्णो रहस्सिययं संवड्डिए, एयं णं तुब्भे महया 2 रायाभिसेणं अभिसिंचह। सव्वं च तेसि उट्ठाणपरियावणियं परिकहेइ / तए णं ते ईसर जाव कणगज्झयं
