________________ णायाधम्मकहाओ अ. 14 1201 अण्णया कयाइ तेयलिपुत्तस्स अणिट्ठा 6 जाया यावि होत्था णेच्छइ (य)णं तेयलि. पुत्ते पोट्टिलाए णामगोत्तमवि सवणयाए किंपुण दं (दरि) सणं वा परिभोगं वा ? तए णं तीसे पोट्टिलाए अण्णया कयाइ पुवरत्तावरत्तकालसमयंसि इमेयारूवे अज्झथिए 4 जाव समुप्पज्जित्था-एवं खलु अहं तेयलिस्स पुटिव इट्ठा 5 आसि इयाणि अणिट्ठा 5 जाया। णेच्छइ णं तेयलिपुत्ते मम णामं जाव परिभोगं वा ओहयमणसंकप्पा जाव झियायइ / तए णं तेलिपुत्ते पोट्टिलं ओहयमणसंकप्पं जाव झियायमाणं पासइ 2 ता एवं क्यासी-मा गं तुम देवाणप्पिए ! ओहय. मणसंकप्पा जाव झियाहि, तुमं णं मम महाणसंसि विपुलं असणं 4 उवक्खडा. वेहि 2 ता बहणं समणमाहण जाव वणीमगाणं देयमाणी य दवावेमाणी य विहराहि / तए णं सा पोट्टिला तेयलिपुत्तेणं अमच्चेणं एवं वत्ता समाणा हटू० तेयलिपुत्तस्स एयमढं पडिसुणेइ २त्ता कल्लाकल्लि महाणससि विपुलं असणं 4 जाव दवावेमाणी विहरइ // 104 // तेणं कालेणं तेणं समएणं सुव्वयाओ णाम अज्जाओ ईरियासमियाओ जाव गुत्तबंभयारिणीओ बहुस्सुयाओ बहुपरिवाराओ पुवाणुपुटिव [चरमाणीओ] जेणामेव तेयलिपुरे णयरे तेणेव उवागच्छंति 2 ता अहापडिरूवं उग्गहं ओगिण्हंति 2 ता संजमेण तवसा अप्पाणं भावेमाणीओ विहरंति / तए णं तासि सुध्धयाणं अज्जाणं एगे संघाडए पढमाए पोरिसीए सज्झायं करेइ जाव अडमाणीओ तेयलिस्स गिहं अणुपविट्ठाओ। तए णं सा पोटिला ताओ अज्जाओ एज्जमाणीओ पासइ २त्ता हट्ट० आसणाओ अब्भठेइ० वंदइ णमंसइ वं० 2 ता विपुलं असणं 4 पडिलाभेइ 2 ता एवं वयासीएवं खलु अहं अज्जाओ ! तेयलिपुत्तस्स पुटिव इट्ठा 5 आसि इयाणि अणिट्ठा 5 जाव दंसणं वा परिभोगं वा, तं तुब्भे णं अज्जाओ सिक्खियाओ बहुणायाओ बहुपढियाओ बहूणि गामागर जाव आहिंडह बहूणं राईसर जाव गिहाई अणु. पविसह, तं अस्थियाई भे अज्जाओ ! केइ कहिचि चुण्णजोए वा मंतजोगे वा कम्मणजोए वा हियउड्डावणे वा काउड्डावणे वा आभिओगिए वा वसीकरणे वा कोउयकम्मे वा भूइकम्मे वा मूले [वा] कंदे [वा] छल्ली वल्ली सिलिया वा गुलिया वा ओसहे वा भेसज्जे वा उवलद्धपुव्वे जेणाहं तेयलिपुत्तस्स पुणरवि इदा 5 भवेज्जामि ? तए णं ताओ अज्जाओ पोट्टिलाए एवं वृत्ताओ समाणीओ दोवि कण्णे ठाइंति 2 ता पोट्टिलं एवं वयासी-अम्हे णं
