Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1213

1200 अंग-पविट्ट सुत्ताणि गिहे जेणेव तेयलिपुसे तेणेव उवागच्छइ 2 ता करयल जाव एवं वयासी-एवं खल देवाणुप्पिया ! पउमावई देवी सद्दावेइ / तए णं तेयलिपुत्ते अम्मधाईए अंतिए एयम→ सोच्चा णिसम्म हट्टतुळे अम्मधाईए सद्धि साओ गिहाओ णिग्गच्छइ 2 ता अंतेउरस्स अवदारेणं रहस्सिययं चेव अणुप्पविसइ 2 ता जेणेव पउमावई देवी तेणेव उवागच्छइ 2 त्ता करयल जाव एवं वयासी-संदि. संतु णं देवाणुप्पिया ! जं मए कायव्वं / तए णं पउमाबई देवी तेयलिपुत्तं एवं वयासी-एवं खलु कणगरहे राया जाव वियंगेइ / अहं च णं देवाणप्पिया! दारगं पयाया। तं तुमं णं देवाण प्पिया ! तं (एयं) दारगं गेहाहि जाव तव मम य भिक्खाभायणे भविस्सइ--त्तिकटु तेयलिपुत्तस्स हत्थे दलयइ / तए णं तेयलिपुत्ते पउमावईए हत्थाओ दारगं गेण्हइ उत्तरिज्जेणं पिहेइ 2 ता अंतेउरस्स रहस्सिययं अवदारेणं णिग्गच्छइ 2 ता जेणेव सए गिहे जेणेव पोट्टिला मारिया तेणेव उवागच्छइ उवागच्छित्ता पोट्टिलं एवं वयासी-एवं खलु देवाणुप्पिया ! कणगरहे राया रज्जे य जाव वियंगेइ / अयं च णं दारए कणगरहस्स पुत्ते पउमावईए अत्तए। (तेणं) तण्णं तुम देवाणुप्पिए ! इमं दारगं कणगरहस्स रहस्सिययं चेव अणुपुवेणं सारक्खा हि य संगोवेहि य संवड्ढेहि य / तए णं एस दारए उम्मुक्कबालभावे तव य मम य पउमावईए य आहारे भविस्सइ-त्तिकटु पोट्टिलाए पासे णिक्खिवइ [2] पोट्टिलाओ पासाओ तं विणिहायमावणियं दारियं गेण्हइ 2 ता उत्तरिज्जेणं पिहेइ 2 ता अंतेउरस्स अवदारेणं अणुप्पविसइ 2 जेणेव पउमावई देवी तेणेव उवागच्छइ 2 ता पउमा. वईए देवीए पासे ठावेइ जाव पडिणिग्गए / तए णं तीसे पउमावईए अंग पडियारियाओ पउमावइं देवि विणिहायमावणियं (च) दारियं पयायं पासंति 2 ता जेणेव कणगरहे राया तेणेव उवागच्छंति 2 ता करयल जाव एवं वयासी-एवं खलु सामी ! पउमावई देवी मएल्लियं दारियं पयाया। तए गं कणगरहे राया तीसे मएल्लियाए दारियाए णीहरणं करेइ बह (णि) ई लोइयाई मयकिच्चाई करेइ 2 कालेणं विगयसोए जाए / तए णं से तेयलिपुत्ते कल्ले कोडुंबियपुरिसे सद्दावेइ 2 ता एवं वयासी-खिप्पामेव चारगसोहणं जाव ठिइपडियं जम्हा णं अम्हं एस दारए कणगरहस्स रज्जे जाए तं होउ णं दारए णामेणं कणगज्झए जाव अलंभोगसमत्थे जाए // 103 // तए णं सा पोट्टिला