Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1212

णायाधम्मकहाओ अ. 14 1199 मज्झमज्झेणं जेणेव तेयलिस्स गिहे तेणेव उवागच्छइ० पोट्टिलं दारियं तेयलि. पुत्तस्स सयमेव भारियत्ताए दलयइ / तए णं तेयलिपुत्ते पोटिलं दारियं भारिय. ताए उवणीयं पासइ 2 ता पोट्टिलाए सद्धि पट्टयं दुरूहइ 2 त्ता सेयापीएहि कलसेहि अप्पाणं मज्जावेइ 2 ता अग्गिहोम करेइ 2 ता पोटिलाए भारियाए मित्तणाइ जाव परिजणं विउलेणं असणपाणखाइमसाइमेणं पुष्फ [वत्थ] जाव पडिविसज्जेइ / तए णं से तेयलिपुत्ते पोट्टिलाए भारियाए अणुरत्ते अविरत्ते उरालाई जाव विहरइ // 102 // तए णं से कणगरहे राया रज्जे य रठे य बले य वाहणे य कोसे य कोट्ठागारे य अंतेउरे य मुच्छिए 4 जाए 2 पुत्ते वियंगेइ / अप्पेगइयाणं हत्थंगुलियाओ छिदइ अप्पेगइयाणं हत्थंगुट्ठए छिदइ / एवं पायंगलियाओ पायंगट्टए वि कण्णसक्कुलीए वि णासापुडाई फालेइ अंगमंगाई वियं गेइ / तए णं तीसे पउमावईए देवीए अण्णया [कयाइ] पुवरत्तावरत्तकालसमयंसि अयमेयारूवे अज्झथिए 4 समुप्पज्जित्था-एवं खलु कणगरहे राया रज्जे य जाव पुत्ते वियंगेइ जाव अंगमंगाई वियंगेइ / तं जइ गं अहं दारयं पयायामि सेयं खल मम तं दारगं कणगरहस्स रहस्सि [य] यं चेव सारक्खमाणीए संगोवेमाणीए विहरित्तए-तिकटु एवं संपेहेइ 2 ता तेयलि. पुत्तं अमच्चं सद्दावेइ 2 ता एवं वयासी-एवं खलु देवाणुप्पिया! कणगरहे राया रज्जे य जाव वियंगेइ / तं जइ णं अहं देवाणुप्पिया ! दारगं पयायामि तए णं तुम कणगरहस्स रहस्सिययं चेव अणुपुव्वेणं सारक्खमाणे संगोवेमाणे संवड्ढेहि / तए णं से दारए उम्मुक्कबालभावे [जाव] जोवणगमणुप्पत्ते तव य मम य भिक्खाभायणे भविस्सइ / तए णं से तेयलिपुत्ते पउमावईए एयमलैं पडिसुणेइ 2 ता पडिगए / तए णं पउमावई य देवी पोट्टिला य अमच्ची सम. मेव गब्भं गेहंति सममेव परिवहति (सममेव गन्मं परिवड्ढंति) / तए णं सा पउमावई णवण्हं मासाणं जाव पियदसणं सुरूवं दारगं पयाया। जं रणि च णं पउमावई देवी दारयं पयाया तं रणि च णं पोट्रिला वि अमच्ची णवण्हं मासाणं विणिहायमावण्णं दारियं पयाया। तए णं सा पउमावई देवी अम्मधाई सद्दावेइ 2 ता एवं वयासी-गच्छह णं तुमे अम्मो ! तेयलि. पुत्तगिहे तेयलिपुत्तं रहस्सिययं चेव सद्दावेह / तए णं सा अम्मधाई तहत्ति पडिसुणे इ 2 ता अंतेउरस्स अवदारेणं णिग्गच्छइ 2 ता जेणेव तेयलिस्स