________________ 108 अंग-पविट्ठ सुत्ताणि तत्थ ते मिक्खू परिवज्जए // 1067 // सोयओ जीवो मणुण्णामणुण्णाई सद्दाई सुणेइ त्ति प. भा. // 1068 // अहावरा दोचा भावणा, चक्खूओ जीवो मणुण्णामणुण्णाई रूवाइं पासइ, मणुण्णामणुण्णेहिं रूवेहिं णो सज्जेजा, णो रज्जेज्जा, जाव णो विणिग्घायमावज्जेज्जा, केवली बूया, मणुण्णामणुण्णेहिं रूवेहिं सज्जमाणे रज्जमाणे जाव विणिग्यायमावजमाणे संतिभेया संतिविभंगा जाव भंसेज्जा / / 1069 ॥णो सक्का रूवमदट्टुं चक्खुविसयमागयं, रागदोसा उ जे तत्थ, ते भिक्खू परिवजए // 1070 // चक्खूओ जीवो मगुण्णामणुण्णाई रूवाइं पासइ त्ति दो. भा. // 1071 / / अहावरा तच्चा भावणा, घाणओ जीवो मणुणामणुण्णाई गंधाई अग्घायइ, मणुण्णामणुण्णेहिं गंधेहिं णो सजेजा णो रज्जेजा, जाव णो विणिग्घायमावज्जेज्जा, केवली बूया, मणुण्णामणुण्णेहिं गंधेहिं सज्जमाणे रज्जमाणे जाव विणिग्घायमावज्जमाणे संतिभेया संतिविभंगा जाव भंसेज्जा / / 1072 / / णो सक्का गंधमग्घाउं णासाविसयमागय, रागदोसा उ जे तत्थ ते भिक्खू परिवज्जए // 1073 // घाणओ जीवो मणुण्णामणुण्णाइं गंघाई अग्घायइ त्ति त. भा. // 1074 / / अहावरा चउत्था भावणा, जिब्भाओ जीवो मणुण्णामणुण्णाई रसाइं अस्साएइ, मणुण्णामणुण्णेहि रसेहिं णो सज्जेज्जा णो रज्जेज्जा, जाव णो विणिग्यायमावज्जेज्जा, केवली बूया, णिग्गथे णं मणुण्णामणुण्णेहिं रसेहिं सज्जमाणे जाव विणिग्घायमावज्जमाणे संतिभेया जाव भंसेज्जा // 1075 // णो सक्का रसमस्साउं जीहाविसयमागयं; रागदोसा उ जे तत्थ, ते भिक्खू परिवज्जए / 1076 // जीहाओ.जीवो मणुण्णामणुण्णाई रसाइं अस्साएइ त्ति च. भा. // 1077 // अहाबरा पंचमा भावणा, फासओ जीवो मणुण्णामणुण्णाई फासाइं पडिसंवेएइ, मणुण्णामणुण्णेहिं फासेहिं णो रज्जेज्जा, णो सन्नज्जा, णो गिज्झेज्जा, णो मुज्झेज्जा, णो अज्झोववजेज्जा, णो विणिग्घायमावज्जज्जा, केवली बूया, णिग्गंथे णं मणुण्णामणुण्णेहिं फासेहिं सज्जमाणे जाव विणिग्घायमावज्जमाणे, संतिभेया संतिविभंगा, संतिकेवलिपण्णत्ताओ धम्माओ भंसेज्जा // 1078 // णो सक्का फासमवेएउं फासविसयमागयं; रागदोसा उ जे तत्थ, ते भिक्खू परिवज्जए // 1079 // फासओ जीवा मणुण्णामणुण्णाई फासाई पडिसंवेएइ त्ति पं. भा. // 1080 // एतावताव पंचमे महव्वए सम्म काएण फासिएपालिएतीरिएकिट्टिए अहिट्ठिए आणाए आराहिए यावि भवइ, पंचमं
