________________ आयारो सु. 2 अ. 15 103 चरित्तं अहोणिसी सव्वपाणभूयहिय; साहट्ट लोमपुलया, सव्वे देवा णिसामिति / 2 // 1022 // तओं णं समणस्स भगवओ महावीरस्स सामाइयं खओवसमियं चरित्तं पडिवण्णस्स मणपज्जवणाणे णामं णाणे समुप्पण्णे, अड्डाइज्जेहिं दीवेहिं दोहिं य समुहेहिं सण्णीणं पंचेंदियाण पज्जत्ताणं वियत्तमणसाणं मणोगयाइं भावाई जाणेइ // 1023 / / तओ णं समणे भगवं महावीरे पव्वइए समाणे मित्तणाइसयणसंबंधिवग्गं पडिविस. लेइ, पडिविसज्जित्ता इमं एयारूवं अभिग्गहं अभिगिण्हइ, “बारसवासाई वोसट्टकाए चत्तदेहे जे केइ उवसग्गा समुप्पज्नति, तंजहा—दिव्वा वा, माणुस्सा वा, तेरिच्छिया वा, ते सव्वे उवसग्गे समुप्पण्णे समाणे सम्मं सहिस्सामि, खमिस्सामि अहियासइस्सामि" ||1024 // तओ णं समणे भगवं महावीरे इमेयारूवं अभिग्गहं अभिगिण्हित्ता वोसट्टकाए चत्तदेहे दिवसे मुहुत्तसेसे कुम्मारगाम समणुपत्ते // 1025 // तओ णं समणे भगवं महावीरे वोसढचत्तदेहे अणुत्तरेणं आलएणं, अणुत्तरेणं विहारेणं, एवं संजमेणं, पग्गहेणं, संवरेण तवेणं, बंभचेरवासेणं, खंतीए, मोत्तीए, समिईए, गुत्तीए, तुट्टीए, ठाणेणं, कम्मेणं, सुचरियफलणिव्वाणमुत्तिमग्गेणं, अप्पाणं भावेमाणे विहरइ // 1026 // एवं वा विहरमाणस्स जे केइ उवसग्गा समुपज्जति दिव्वा वा माणुस्सा वा तेरिच्छिया वा ते सव्वे उवसग्गे समुप्पण्णे समाणे अणाउले अव्वहिए अदीणमाणसे तिविहमणवयणकायगुत्ते सम्म सहइ खमइ तितिक्खइ अहियासेइ // 1027 // तओ णं समणस्स भगवओ महावीरस्स एएणं विहारेणं विहरमाणस्स बारसवासा वीइकंता, तेरसमस्स वासस्स परियाए वट्टमाणस्स जे से गिम्हाणं दोचे मासे चउत्थे पक्खे वइसाहसुद्धे, तस्सणं वइसाहसुद्धस्स दसमीपक्खेणं सुब्बएणं दिवसेणं विजएणं मुहुत्तेणं हत्थुत्तराहिणक्खत्तेणं जोगोवगएणं पाईणगामिणीए छायाए वियत्ताए पोरिसीए जंभियगामस्स णगरस्स बहिया गईए उज्जुवालियाए उत्तरे कूले, सामागस्स गाहावइस्स कट्टकरणंसि वेयावत्तस्स चेइयस्स उत्तरपुरथिमे दिसीभाए सालरुक्खस्स अदूरसामंते उक्कुडुयस्स गोदोहियाए आयावणाए आयावेमाणस्स छटेणं भत्तणं अपाणएणं उ8जाणुअहोसिरस्स धम्मज्झाणकोट्ठोवगयस्स सुक्कज्झाणंतरियाए वट्टमाणस्स णिवाणे, कसिणे, पडिपुण्णे, अव्वाहए, णिरावरणे, अणते,' अणुत्तरे, केवलवरणाणदंसणे समुप्पण्णे // 1028 // से भयवं अरहा जिणे जाए, केवली सव्वण्णू सव्वभावदरिसी, सदेवमणुयासुरस्स लोयस्स पज्जाए
