________________ 102 अंग-पविटु सुत्ताणि पासेहिं, वीयंति चामराहिं मणिरयणविचित्तदंडाहिं // 5 // पुढि उक्खित्ता माणुसेहिं साहट्ठरोमपुलएहिं, पच्छा वहंति देवा, सुरअसुरगरुलणागिंदा // 6 / / पुरओ सुरा वहती असुरा पुण दाहिणमि पासंमि / अवरे वहति गरुला, णागा पुण उत्तरे पासे // 7 // वणसंडं व कुसुमियं, पउमसरो वा जहा सरयकाले; सोहइ कुसुमभरेणं, इय गगणयलं सुरगणेहिं / / 8 // सिद्धत्थवणं व जहा, कणियारवणं व चंपयवणं वा, सोहइ कुसुमभरेणं, इय गगणयलं सुरगणेहिं // 9 // वरपडहभेरिज्झल्लरिसंखसयसहस्सिएहिं तूरेहिं / गयणयले धरणियले तृरणिणाओ परम. . रम्मो // 10 // ततवितयं घणझुसिरं आउज्ज चउव्विहं बहुविहीयं; वायति तत्थ देवा, बहुहिं आणट्टगसएहिं // 11 // 1020 // तेणं कालेणं तेणं समएणं जे से हेमंताणं पढमे मासे पढमे पक्खे, मग्गसिरबहुले, वस्सणं मग्गसिरबहुलस्स दसमीपक्खेणं, सुब्बएणं दिवसेणं, विजएणं मुहत्तेण हत्थुत्तराणक्खत्तेणं जोगोवगएणं पाईणगामिणीए छायाए बिइयाए पोरिसीए छटेणं भत्तेणं अपाणएणं, एगसाडगमायाए, चंदप्पहाए सिवियाए सहस्सवाहिणीए सदेवमणुयासुराएपरिसाए समणिज्जमाणे 2 उत्तरखत्तियकुंडपुरसंणिवेसस्स मज्झमज्झेणं णिगच्छइ णिगच्छित्ता जेणेव णायसंडे उज्जाणे तेणेव उवागच्छइ, उवागच्छित्ता ईसिरयणिप्पमाणं अच्छोप्पेणं भूमिभागेणं सणियं 2 चंदप्पहं सिवियं सहस्सवाहिणिं ठवेइ ठवेत्ता सणियं 2 चंदप्पहाओ सिवियाओ सहस्सवाहिणीओ पच्चोयरइ, पचोयरित्ता सणियं 2 पुरत्थाभिमुहे सीहासणे णिसीयेइ, आभरणालंकारं ओमुयइ, तओ णं वेसमणे देवे जण्णुव्यायपडिए समणस्स भगवओ महावीरस्स हंसलक्खणेणं पडेणं आभरणालंकारं पडिच्छड़; तओ णं समणे भगवं महावीरे दाहिणणं दाहिणं वामेणं वामं पंचमुहिय लोयं करेइ, तओ णं सक्के देविंदे देवराया समणस्स भगवओ महावीरस्स जण्णुब्वायपडिए वयरामयेणं थालेणं केसाई पडिच्छइ, पडिच्छित्ता "अणुजाणेसि भंते" त्ति कटु खीरोयसायर साहरइ, तओ णं समणे भगवं महावीरे दाहिणेणं दाहिणं वामेणं वामं पंचमुढ़िय लोयं करेत्ता सिद्धाणं णमोकारं करेइ करेत्ता, "सव् मे अकरणिनं पावकम्म" त्ति कटु सामाइयं चरित्तं पडिवज्जइ, सामाइयं चरित्तं पडिवज्जित्ता देवपरिसं मणुयपरिसं च आलिक्ख चित्तभूयमिव हुवेइ // 1021 // दिव्यो मणुस्सघोसो, तुरियणिणाओ य सक्कवयणेण, खिप्पामेव णिलुक्को, जाहे पडिवज्जइ चरित्तं / / 1 / / पडिवज्जित्तु
