________________ आयारो सु. 2 अ. 15 101 समुग्घाए णं समोहणित्ता, एग महं णाणामणिकणयरयणभत्तिचित्तं सुभं चारुकंतरूवं देवच्छंदयं विउव्वइ, तस्सणं देवच्छंदयस्स बहुमज्झदेसभाए एगं महं सपायपीढं सीहासणं णाणामणिकणयरयणभत्तिचित्तं सुभं चारुकतरूवं विउव्वइ विउव्वित्ता, जेणेव समणे भगवं महावीरे तेणेव उवागच्छ्इ उवागच्छित्ता समणं भगवं महावीर तिक्खुत्तो आयाहिणं पयाहिणं करेइ, 2 समणं भगवं महावीरं वंदइ णमंसइ, वंदित्ता णमंसित्ता समणं भगवं महावीरं गहाय जेणेव देवच्छंदए तेणेव उवागच्छइ उवागच्छित्ता, सणिय 2 पुरत्थाभिमुहे सीहासणे णिसीयावेइ णिसीयावेत्ता सयपागसहस्सपागेहिं तेल्लेहि अभंगेइ अब्भंगेत्ता गंधकासाइएहिं उल्लोलेइ उल्लोलित्ता, सुद्धोदएणं मज्जावेइ मज्जावित्ता, जस्स णं मुल्लं सयसहस्सेणं तिपडोलतित्तिएणं साहिएण सीएणं गोसीसरत्तचंदणेणं अणुलिंपइ अणुलिंपित्ता ईसिंणिस्सासवायवोझं वरणयरपट्टणुग्गय कुसलणरपसंसियं अस्सलालापेलवं छेयायरियकणगखचियंतकम्मं हंसलक्खणं, पट्टजुयलं णियंसावेइ, णियंसावेत्ता हारं अद्धहारं उरत्थं णेवत्थं एगावलिं पालंबसुत्त पट्टमउडरयणमालाओ आविंधावेइ आविंधावेत्ता गंथिमवेढिमपूरिमसंघाइमेणं मल्लेणं कप्परुक्खमिव समलंकरेइ 2 दोचपि महया वेउब्वियसमुग्धारण समोहणइ, समोहणित्ता एगं महं चंदप्पहं सिवियं सहस्सवाहिणिं विउव्वइ तंजहाईहामियउसभतुरगणरमकरविहगवाणरकुंजररुरुसरभचमरसढुलसीहवणलयपउमलयभत्तिचित्तलयविचित्तविजाहरमिहुणजुयलजंतजोगजुत्तं, अच्चीसहस्समालिणीयं सुणिरूवियं मिसिमिसिंतरूवगसहस्सकलियं, ईसिंमिसमाणं भिब्भिसमाणं चक्खुल्लोयणलेसं, मुत्ताहलमुत्तजालंतरोवियंतवणीयपवरलंबूसगपलंबतमुत्तदाम, हारद्धहारभूसणसमोणयं अहियपिच्छणिज्ज पउमलयभत्तिचित्तं, असोककुंदणाणालयभत्तिचित्त विरइयं सुभं चारुकंतरूवं णाणामणिपंचवण्णघंटापडायपरिमंडियग्गसिहरं पासाईयं दरिसणीयं सुरूवं // 1019 // सीया उवणीया जिणवरस्स जरमरणविप्पमुक्कस्स; ओसत्तमल्लदामा, जलथलयदिव्वकुसुमेहिं // 1 // सिवियाइ मज्झयारे, दिव्यं वररयणरूवचिंचय; सीहासणं महरिहं सपायपीढं जिणवरस्स // 2 // आलइयमालमउडो भासुरबोंदी वराभरणधारी; खोमियवत्थणियत्थो, जस्स य मोलं सयंसहस्सं // 3 // . छटेण उ भत्तेणं अज्झवसाणेण सोहणेण जिणो, लेसाहि विसुझंतो, आरुहइ उत्तमं सीयं // 4 // सीहासणे णिविट्ठो सक्कीसाणा य दोहिं
