________________ 100 अंग-पविट्ट सुत्ताणि विदेह दिण्णे विदेहजचे विदेहसूमाले तीसं वासाई विदेहंसि.त्ति कटु अगारमज्झे वसित्ता अम्मापिऊहिं कालगएहिं देवलोगमणुपत्तेहिं समत्तपइण्णे चिच्चा हिरण्णं, चिच्चा सुवण्णं, चिचा बलं, चिच्चा वाहणं, चिच्चा धणधण्णकणयरयणसंतसारसावइज्ज, विच्छड्वेत्ता, विगोवित्ता, विस्साणित्ता, दायारेसु दाणं दाइत्ता परिभाइत्ता, संवच्छरं दाणं दलइत्ता, जे से हेमंताणं पढमे मासे पढमे पक्खे, मग्गसिरबहुले, तस्सणं मग्गसिरबहुलस्स दसमीपखेणं हत्युत्तराहिं णक्खत्तेणं जोगमुवागए णं अभिणिक्खमणाभिप्पाए यावि होत्था // 1011 // संवच्छरेण होहिंति अभिणिक्खमणं तु . जिणवरिंदस्स, तो अत्थि संपयाणं, पव्वत्तई पुव्वसूराओ / / 1012 // एगा हिरण्णकोडी, अढेव अणूणया सयसहस्सा, सूरोदयमाईयं दिज्जइ जा पायारासोत्ति।।१०१३॥ तिण्णेव य कोडिसया अट्ठासीई च होंति कोडीओ, असिइं च सयसहस्सा, एवं संवच्छरे दिण्णं // 1014 / वेसमणकुंडलधरा, देवा लोगतिया महिड्डिया / बोहिंति य तित्थयरं,पण्णरससु कम्मभूमिसु॥१०१५||बभमि य कप्पंमि य बोद्धव्वा कण्हराइणो मज्झे लोगंतिया विमाणा, अट्ठसु वत्था असंखेज्जा / / 1016 / / एए देवणिकाया, भगवं बोहिंति जिणवरं वीरं, सव्वजगज्जीवहियं, अरहं तित्थं पव्वत्तेहि // 1017 // तओ णं समणस्स भगवओ महावीरस्स अभिणिक्खमणाभिप्पायं जाणेत्ता भवणवइवाणमंतरजोइसियविमाणवासिणो देवा य देवीओ य सएहिं सएहिं रूवेहि, सएहिं सएहिं णेवत्थेहिं, सएहिं सएहिं चिंधेहिं, सव्विड्डीए सव्वजुईए, सव्वबलसमुदए णं, सयाई सयाई जाणविमाणाई दुरुहंति सयाई 2 जाणविमाणाई दुरुहित्ता, अहा बायराई पोग्गलाई परिसाडेंति परिसाडित्ता, अहासुहुमाई पोग्गलाई परियाईति परियाइत्ता, उड्डे उप्पयंति उर्दू उप्पइत्ता, ताए उक्किट्ठाए सिग्घाए चवलाए तुरियाए दिव्वाए देवगईए अहेणं उवयमाणा 2 तिरिएणं असंखेज्जाई दीवसमुद्दाई वीइक्कममाणा 2 जेणेव जंबुद्दीवे दीवे तेणेव उवागच्छंति उवागच्छित्ता, जेणेव उत्तरखत्तियकुंडपुरसंणिवेसे तेणेव उवागच्छंति उवागच्छित्ता, जेणेव उत्तरखत्तियकुंडपुर संणिवेसस्स उत्तरपुरस्थिमे दिसिभाए तेणेव झात्तिवेगेण उवट्ठिइया / / 1018 // तओ णं सके देविंदे देवराया सणिय सणियं जाणविमाणंपठवेइपठवेत्ता, सणियं 2 जाणविमाणाओ पञ्चोत्तरइ, पच्चोत्तरित्ता एगतमवक्कमेइ एगंतमवक्कमेत्ता, महया वेउव्विएणं समुग्घाएणं समोहणइ, महया वेउविएणं
