________________ आयारो सु. 2 अ. 15 . 99 मंडावणबाइए खेल्लावणधाइए-अंकधाईए अंकाओ अंकं साहरिजमाणे रम्मे मणिकोट्टिमतले गिरिकंदरस्समल्लीणे विव चंपयपायवे अहाणुपुवीए संवड्डइ // 1004 // तओ णं समणे भगवं महावीरे विण्णायपरिणये विणियत्तबालभावे अणुस्सुयाइं उरालाई माणुस्सगाई पंचलक्खणाई कामभोगाई सद्दफरिसरसरूवगंधाइं परियारेमाणे एवं च णं विहरइ // 1005 // समणे भगवं महावीरे कासवगोत्ते तस्स णं इमे तिण्णि णाम धेजा एवमाहिजंति, अम्मापिउसंतिए “वद्धमाणे," सहसम्मुइए " समणे" भीमभयभेरवं उरालं अचेलयं परिसहं सहइ त्ति कटु देवेहिं से णामं कयं "समणे भगवं महावीरे" |1006 // समणस्स णं भगवओ महावीरस्स पिया कासवगोत्तेणं तस्स णं तिण्णि णामधेजा एवमाहिजंति, तंजहा—सिद्धत्थे इ वा, सेजसेइ वा, जसंसे इ वा // 1007 / / समणस्स भगवओ महावीरस्स अम्मा वासिट्ठसगोत्ता तीसेणं तिण्णि णामधेजा, एवमाहिति तंजहा—तिसला इ वा, विदेह दिण्णा इ वा, पियकारिणी इ वा // 1008 // समणस्स णं भगवओ महावीरस्स पित्तियए 'सुपासे' कासवगोत्तेणं, समणस्स णं भगवओ महावीरस्स जेटे भाया णदिवद्धणे कासवगोत्तेण, समणस्स ण भगवओ महावीरस्स जेट्ठा भइणी सुदंसणा कासवगोसेणं, समणस्स ण भगवओ महावीरस्स भब्जा जसोया कोडिण्णा गोत्तेणं समणस्स भगवओ महावीरस्स धूया कासवगोत्तेणं, तीसेणं दो णामधेजा, एवमाहिजंति, तंजहा-आणोज्जा इ वा, पियदंमणा इ वा, समणस्स णं भगवओ महावीरस्स णत्तुई कोसियगोत्तेणं तीसेणं दो णामधेजा, एवमाहिज्जति, तंजहा—सेसवई इ वा, जसबई इ वा // 1009 / / समणस्स णं भगवओ महावीरस्स अम्मापियरो पासावचिन्जा, समणोवासगा यावि होत्था, ते णं बहूई वासाई समणोवासंगपरियागं पालइत्ता, छण्हं जीवणिकायाणं संरक्षणणिमित्तं आलोइत्ता णिदित्ता गरहित्ता पडिकमित्ता अहारिहं उत्तरगुणपायच्छित्तं पडिवज्जित्ता कुससंथारं दुरुहित्ता, भत्तं पच्चक्लाइंति, भत्तं पञ्चक्खाइत्ता अपच्छिमाए मारणंतियाए संलेहणाए झुसियसरीरा कालमासे कालं किच्चा तं सरीरं विप्पजहित्ता अच्चुए कप्पए देवत्ताए उववण्णा, तओणं आउक्खएणं भवक्खएणं ठिइक्खएणं चुए चइत्ता महाविदेहवासे चरिमेणं ऊस्सासेणं सिज्झिस्संति, बुज्झिस्संति, मुचिस्संति परिणिव्वाइस्संति, सव्वदुक्खाणमंतं करिस्संति // 1010 // तेणं कालेणं तेणं समंएणं समणे भगवं महावीरे णाए णायपुत्ते णायकुलणिव्वत्ते विदेहे
