________________ अंग-पविट्ट सुत्ताणि भगवं महावीरे तिण्णाणोवगए यावि होत्था, साहरिज्जिस्सामित्ति जाणइ, साहरिएमित्ति जाणइ साहरिजमाणे वि जाणइ समणाउसो ! // 998 // तेणं कालेणं तेणं समएणं तिसलाए खत्तियाणीए अह अण्णया कयाइ णवण्हं मासाणं बहुपडिपुण्णाणं अट्ठमाणं राइंदियाणं वीइक्वंताणं जे से गिम्हाणं पढमे मासे दोचे पक्खे चित्तसुद्धे तस्सणं चित्तसुद्धस्स तेरसीपक्खेणं, हत्युत्तराहिं जोगमुवागएणं समणं भगवं महावीरं आरोयारोयं पसूया // 999 // ज णं राई तिसला खत्तियाणी समणं भगवं महावीरं आरोयारोय पसूया, तं णं राई भवणवइवाणमंतरजोइसियविमाणवासि देवेहि य देवीहि य उवयंतेहि य उप्पयंतेहि य एगे महं दिव्वे देवुज्जोए देवसण्णिवाए देवकहकहे उप्पिंजलगभूए यावि होत्था॥१०००॥ णं रयणिं तिसला खत्तियाणी समणं भगवं महावीरं आरोयारोयं पसूया तं णं रयणि बहवे देवा य देवीओ य एगं महं अमयवासं च, गंधवासं च, चुण्णवासं य, पुप्फवासं च, हिरण्णवासं च, रयणवासं च वासिंसु // 1001 // ज णं रयणिं तिसला खत्तियाणी समणं भगवं महावीरं आरोयारोयं पसूया, तं णं रयणिं भवणवइवाणमंतरजोइसियविमाणवासिणो देवा य देवीओ य समणस्स भगवओ महावीरस्स सूइकम्माइं तित्थयराभिसेयं च करिंसु / / 1002 // जओ णं पभिइ भगवं महावीरे तिसलाए खत्तियाणिए कुच्छिसि गभं आगए तओ णं पभिइ तं कुलं विपुलेणं हिरण्णेणं सुवण्णेणं धणेणं धण्णेणं माणिक्कणं मोत्तिएणं संखसिलप्पवालेणं अईव 2 परिवड्डइ, तओ णं समणस्स भगवओ महावीरस्स अम्मापियरो एयमढे जाणित्ता णिव्वत्तदसाहंसि वोकंतसि सूचिभूयंसि विपुलं असणपाणखाइमसाइमं उवक्खडावेंति उवक्खडावेत्ता मित्तणाइसयणसंबंधिवग्गं उवणिमंतेंति उवणिमंतेत्ता बहवे समणमाहणकिवणवणिमगाहिं भिच्छंडगपंडरगाईण विन्डेति विग्गोवेंति विस्साणेति दातारेसु णं दाणं पज्जभाइंति विच्छड्डित्ता विग्गोवित्ता विस्साणित्ता दायारेसु णं दाणं पज्जभाइत्ता मित्तणाइसयणसंबंधिवग्गं भुंजावेंति भुंजावेत्ता मित्तणाइसयणसंबंधिवग्गेण इमेयारूवं णामधेज्जं कारवेंति, जओ णं पभिइ इमे कुमारे तिसलाए खत्तियाणीए कुच्छिसि गम्भे आहूए तओ णं पभिइ इमं कुलं, विउलेणं हिरण्णेणं सुवण्णेणं धणेणं धण्णेणं माणिक्केणें मोत्तिएणं संखसिलप्पवालेणं अईव 2 परिवड्डइ तं होउ णं कुमारे "वद्धमाणे " // 1003 // तओ णं समणे भगवं महावीरे पंचधाइपरिवुडे तंजहा—खीरधाईए-मज्जणधाईए
