________________ आयारो सु. 2 अ. 15 97 सायए णों तं णियमे // 993 // सेसं तं चेव // 994 // एयं खलु तस्स भिक्खुस्स 2 वा सामग्गिय जइज्जासि त्ति बेमि // 995 // चउद्दसममज्झयणं समत्तं // . ॥भावणा णाम पणरहमं अज्झयणं / तेणं कालेणं तेणं समएणं समणे भगवं महावीरे पंचहत्थुत्तरे यावि होत्था, तंजहा–हत्थुत्तराहिं चुए चइत्ता गम्भं वकंते, हत्थुत्तराहिं गम्भाओ गब्भं साहरिए हत्थुत्तराहिं जाए, हत्थुत्तराहिं सव्वओ सम्वत्ताए मुंडे भवित्ता अगाराओअणगारियं पव्वइए, हत्थुत्तराहिं कसिणे पडिपुण्णे अव्वाघाए णिरावरणे अणंते अणुत्तरे केवल. वरणाणदंसणे समुप्पण्णे, साइणा भगवं परिणिब्बुए / / 996 / / समणे भगवं महावीरे, इमाए ओसप्पिणीए सुसमसुसमाए समाए वीइकंताए सुसमाए समाए वीइकंताए, सुसमदुसमाए समाए वीइकंताए दुसमसुसमाए समाए बहुवीइक्कंताए, पण्णहत्तरीए वासेहिं मासेहिं य अद्धणवमे हिंसेसेहिं, जे से गिम्हाणं चउत्थे मासे अट्ठमे पक्खे, आसाढसुद्धे, तस्स णं आसाढसुद्धस्स छट्ठीपक्खेणं हत्युत्तराहिं णक्खत्तेणं जोगमुवागएणं, महाविजयसिद्धत्यपुप्फुत्तरपवरपुंडरीयदिसासोवत्थियवद्धमाणाओ महाविमा. णाओवीसंसागरोवमाई आउयं पालइत्ता, आउक्खएणं, ठिइक्खए णं भवक्खएणं चुए चइत्ता इह खलु जंबुद्दीवेणं दीवे, भारहे वासे, दाहिणड्डभरहे दाहिणमाहणकुंडपुरसंणिवेसंमि उसभदत्तस्स. माहणस्स कोडालसगोत्तस्स देवाणंदाए माहणीए जालंधरस्स गुत्ताए सीहुब्भवभूएणं अप्पाणेणं कुच्छिसि गम्भं वकंते, समणे भगवं महावीरे तिण्णाणोवगए यावि होत्था, चइस्सामित्ति जाणइ चुएमित्ति जाणइ, चयमाणे ण जाणेइ, सुहुमे णं से काले पण्णत्ते / तओ णं समणे भगवं महावीरे हियाणुकंपए णं देवेणं जीयमेयं त्ति कटु जे से वासाणं तच्चे मासे पंचमे पक्खे आसोयबहुले तस्स णं आसोयबहुलस्स तेरसीपक्खेणं हत्युत्तराहिं णक्खत्तेणं जोगमुवागएणं बासीहिं राइंदिएहिं वीइकंतेहिं तेसीइमस्स राइंदियस्स परियाए वट्टमाणे दाहिणमाहणकुंडपुरसंणिवेसाओ उत्तरखत्तियकुंडपुरसंणिवेसंसि गायाणं खत्तियाणं सिद्धत्थस्स खत्तियस्स कासवगुत्तस्स तिसलाए खत्तियाणिए वासिठ्ठसगुत्ताए असुभाणं पुग्गलाणं अवहारं करित्ता, सुभाणं पुग्गलाणं पक्खेवं करित्ता कुच्छिसि गम्भं साहरइ, जेवि य से तिसलाए खत्तियाणीए कुच्छिसि गब्मे तंपि य दाहिणमाहणकुंडपुरसंणिवेसंसि . उसभ.....को.....देवा....जालंधरायणगुत्ताए कुच्छिसि गम्भं साहरइ // 997 // समणे
