________________ 1128 अंग-पविट्ठ सुत्ताणि सहस्सं अंतियं पाउड्भवमाणं पासइ 2 ता कोडुंबियपुरिसे सहावेइ 2 ता एवं वयासी-जहा मेहस्स णिक्खमणाभिसेओ तहेव सेयापीएहि कलसेहि, पहावेइ नाव अरहओ अरिट्रणेमिस्स छत्ताइच्छतं पडागाइपडागं पासइ 2 ता विज्जा. हरचारणे जाव पासित्ता सी (सिवि) याओ पच्चोरुहइ / तए णं से कण्हे वासुदेवे थावच्चापुत्तं पुरओ काउं जेणेव अरहा अरिट्ठणेमी सव्वं तं चेव जाव आभरणमल्लालंकारं ओमयइ। तए णं सा थावच्चा गाहावइणी हंसलक्खणेणं पडगसाडएणं आभरणमल्लालंकारे पडिच्छह हारवारिधारछिण्णमत्ताव. लिप्पगासाई अंसूणि विणिम्मुंचमाणी 2 एवं वयासी-जइयन्नं जाया ! घडियध्वं जाया ! परिक्कमियध्वं जाया ! अस्सि च णं अट्ठे णो पमाएयव्वं / जामेव दिसि पाउभया तामेव दिसि पडिगया। तए णं से थावच्चापुत्ते पुरिससहस्सेहि सद्धि सयमेव पंचमुट्ठियं लोयं करेइ जाव पव्वइए / तए णं से थावच्चापुत्ते अणगारे जाए इरियासमिए भासासमिए जाव विहरइ / तए णं से थावचा पुत्ते अरहओ अरिट्रणेमिस्स तहारूवाणं थेराणं अंतिए सामाइय. माइयाई चोद्दसपुबाई अहिज्जइ 2 ता बहूहिं जाव चउत्थेणं विहरइ / तए णं अरिहा अरिटणेमी थावच्चापुत्तस्स अणगारस्स तं इब्माइयं अणगार. सहस्सं सीसत्ताए दलयइ / तए णं से थावच्चापुत्ते अण्णया कयाइं अरहं अरिटणेमि बंदइ णमंसइ वं०२ ता एवं वयासी-इच्छामि णं भंते ! तुम्ह अन्भणण्णाए समाणे अणगारसहस्सेणं सद्धि बहिया जणवयविहारं विहरित्तए / अहासुह देवाणुप्पिया ! / तए णं से थावच्चापुत्ते अणगारसहस्सेणं सद्धि तेणं उरालेणं उ (द) ग्गेणं पयत्तेणं पग्गहिएणं बहिया जणवयविहारं विहरइ // 61 // तेणं कालेणं तेणं समएणं सेलगपुरे णामं णगरे होत्था / सुभूमिभागे उज्जाणे / सेलए राया, पउमावई देवी, मंडुए कुमारे जुवराया। तस्स गं सेलगस्स पंथगपामोक्खा पंच मंतिसया होत्था उत्पत्तियाए वेणइयाए कम्मिथाए पारिणामियाए उववेया रज्जधुरं चितयंति / थावच्चा. पुत्ते सेलगपुरे समोसढे / राया णिग्गए धम्मकहा / धम्म सोच्चा जहा णं देवाणु प्पियाणं अंतिए बहवे उग्गा भोगा जाव चइत्ता हिरणं जाव पव्वइया तहा णं अहं णो संचाएमि पव्वइत्तए / अहं णं देवाणुप्पियाणं अंतिए पंचा. णुब्वइयं जाव समणोवासए जाव अहिगयजीवाजीवे जाव अप्पाणं
