Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1142

णायाधम्मकहाओ अ. 5 1129 भावेमाणे विहरइ / पंथगपामोक्खा पंच मंतिसया य समणोवासया जाया थावच्चापुत्ते बहिया जगवयविहारं विहरइ / तेणं कालेणं तेणं समएणं सोगं. धिया णाम णयरी होत्था वण्णओ। गीलासोए उज्जाणे वण्णओ / तत्थ गं सोगंधियाए णयरीए सुदंसणे णामं जयरसेट्ठी परिवसइ अड्ढे जाव अपरिभूए / तेणं कालेणं तेणं समएणं सुए णाम परिव्वायए होत्था रिउव्वेयजजुब्वेयसामवेयअथव्वणवेयसद्वितंतकुसले संखसमए लद्धठे पंचजमपंचणियमजुत्तं सोय. मूलयं दसप्पयारं परिव्वायगधम्म दाणधम्मं च सोयधम्मं च तित्थाभिसेयं च आघवेमाणे पण्णवेमाणे धाउरत्तवत्थपवरपरिहिए तिदंडकुंडियछत्तछण्णालय. अंकुसपवित्तयकेसरिहत्थगए परिव्वायगसहस्सेणं सद्धि संपरिवडे जेणेव सोगंधिया णयरी जेणेव परिव्वायगावसहे तेणेव उवागच्छइ 2 त्ता परिव्वायगावसहंसि भंडगणिक्खेवं करेइ 2 ता संखसमएणं अप्पाणं भावेमाणे विहरइ / तए गं सोगंधियाए णगरीए सिंघाडग जाव बहुजणो अण्णमग्णस्स एवमाइक्खइएवं खल सुए परिवायए इहमागए जाव विहरइ / परिसा णिग्गया। सुदंसणो वि जिग्गए / तए णं से सुए परिव्वायए तीसे परिसाए सुदंसणस्स य अण्णेसि च बहूणं संखाणं परिकहेइ-एवं खलु सुदंसणा ! अम्हं सोयमूलए धम्मे पण्णत्ते / से वि य सोए दुविहे पण्णत्ते तंजहा-दव्वसोए य भावसोए य / दवसोए य उदएणं मट्टियाए य। भावसोए दब्मेहि य मंतेहि य / ज णं अम्हं- देवाणुप्पिया ! किचि असुई भवइ तं सव्वं स (ज्जो). ज्जपुढवीए आलिप्पइ तओ पच्छा सुद्धण वारिणा पक्खालिज्जइ तओ तं असुई सुई भवइ / एवं खलु जीवा जलाभिसेयपूयप्पाणो अविग्घेणं सगं गच्छति / तए णं से सुदंसणे सुयस्स अंतिए धम्म सोच्चा हट्टे सुयस्स अंतियं सोयमलयं धम्मं गेहइ 2 ता परिव्वायए विउलेणं असणपाणखाइमसाइमेणं पडिलाभेमाणे जाव विहरइ / तए णं से सुए परिवायए सोगंधियाओ णयरीओ णिग्गच्छइ 2 ता बहिया जणवयविहारं विहरइ / तेणं कालेणं तेणं समएणं थावच्चापुत्तस्स समोसरणं / परिसा णिग्गया / सुदंसणो वि णिगए थावच्चापुत्तं वंदइ णमंसइ वं० 2 एवं वयासी-तुम्हाणं किंमूलए धम्मे पण्णते ? / तए णं थावच्चापुत्ते सुदंसणेणं एवं वृत्त समाणे सुदंसणं एवं वयासी-सुदंसगा ! विणयमूले धम्मे पण्णत्ते / से विय विणए