Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1127

अंग-पविट्ठ सुत्ताणि विजया ! जाव अवक्कमामो / तए णं से विजए धण्णं सत्यवाहं एवं वयासीजइ गं तुमं देवाणप्पिया ! ताओ विपुलाओ असणाओ 4 संविभागं करेहि तओऽहं तुमेहि सद्धि एगंतं अवक्कमामि / तए णं से धण्णे सत्यवाहे विजयं एवं वयासी-अहं णं तुम्भं ताओ विपुलाओ असणाओ 4 संविभागं करिस्सामि / तए णं से विजए धण्णस्स सत्थवाहस्स एयमढ़ पडिसुणेइ / तए गं से विजए धणेणं सद्धि एगते अवकमइ उच्चारपासवणं परिद्ववेइ आयंते चोक्खे परमसुइभए तमेव ठाणं उवसंकमित्ताणं विहरइ। तए णं सा भद्दा कल्लं जाव जलते विपुलं असणं 4 जाव परिवेसेइ / तए णं से धण्णे सत्थवाहे विजयस्स तक्करस्स ताओ विपुलाओ असणाओ 4 संविभागं करेइ / तए णं से धणे सत्थवाहे पंथयं दासचेडं विसज्जेइ / तए णं से पंथए भोयणपिडयं गहाय चार. गाओ पडिणिक्खमइ 2 ता रायगिह णयरं मज्झमझेणं जेणेव सए गिहे जेणेव भद्दा भारिया तेणेव उवागच्छइ 2 ता भई सत्थवाहिणि एवं वयासी. एवं खलु देवाणुप्पिए ! धणे सत्थवाहे तव पुत्तघायगस्स जाव पच्चामित्तस्स ताओ विपुलाओ असणाओ 4 संविभागं करेइ,॥४७॥ तए णं सा भद्दा सत्थ. वाही पंथयस्स दासचेडयरस अंतिए एयमट्ठं सोच्चा आसुरुत्ता रुद्वा जाव मिसिमिसेमाणी धष्णस्स सस्थवाहस्स पओसमावज्जइ / तए णं से धणे सत्य. वाहे अण्णया कयाइं मित्तणाइणियगसयणसंबंधिपरियणेणं सएण य अत्थसारेणं रायकज्जाओ अप्पाणं मोयावेइ 2 ता चारगसालाओ पडिणिक्खमइ पडि. णिक्खमित्ता जेणेव अलंकारियसभा तेणेव उवागच्छइ उवागच्छित्ता अलंकारियकम्मं करेइ 2 ता जेणेव पुषखरिणी तेणेव उवागच्छइ 2 ता अह. धोयमट्टियं गेहइ 2 ता पोखरिणी ओगाहइ 2 ता जलमज्जणं करेइ 2 ता हाए कयबलिकम्मे जाव रायगिह णगरं अणप्पविसइ 2 ता रायगिहस्स णगरस्स मज्झमज्झेणं जेणेव सए गिहे तेणेव पहारेत्थ गमणाए। तए णं तं धणं सत्थवाहं एज्जमाणं पासित्ता रायगिहे णयरे बहवे णियगसेट्ठिसत्थवाहपभिइओ आदति परिजाणंति सक्कारेंति सम्माणेति अब्भुट्ठति सरीरकुसलं पुच्छति / तए णं से धणे सत्थवाहे जेणेव सए गिहे तेणेव उवागच्छइ / जावि य से तत्थ बाहिरिया परिसा भवइ तंजहा-दासाइ वा पेस्साइ वा भियगाइ वा भाइल्लगाइ वा से वि य णं धणं सत्थवाहं एज्जमाणं पासइ 2 ता पायवडियाए खेमकुसलं