Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1128

__णायाधम्मकहाओ अ. 2 1115 पुच्छंति / जावि य से तत्थ अभंतरिया परिसा भवइ तंजहा-मायाइ वा पियाइ वा मायाइ वा भइणीइ वा सावि य गंधण्णं सत्थवाहं एज्जमाणं पासइ 2 त्ता आसणाओ अन्मठेइ 2 ता कंठाकंठियं अवयासिय बाहप्पमोक्खणं करेइ / तए णं से धणे सत्यवाहे जेणेव भद्दा भारिया तेणेव उवागच्छद / तए णं सा भद्दा घण्णं सत्थवाहं एज्जमाणं पासइ 2 ता णो आढाइ णो परियाणाइ अणाढायमाणी अपरिजाणमाणी तुसिणीया परम्मुही संचिट्ठइ / तए णं से धण्णे सस्थवाहे भई भारियं एवं वयासी-कि णं तुभं देवाणप्पिए / ण तुट्ठी वा ण हरिसे वा णाणंदे वा जं मए सएणं अत्थसारेणं रायकज्जाओ अप्पाणं विमोइए / तए णं सा भद्दा धणं सत्थवाहं एवं वयासी-कहं णं देवाणुप्पिया ! मम तुट्ठी वा जाव आणंदे वा भविस्सइ ? जेणं तुमं मम पुतघायगस्स जाव पच्चामित्तस्स ताओ विपुलाओ असणाओ 4 संविभागं करेसि / तए णं से धण्णे भदं एवं वयासी-णो खल देवाणुप्पिए ! धम्मोत्ति वा तवोत्ति वा कयपडिकइयाइ वा लोगजत्ताइ वा णायएइ वा घाडिएइ वा सहाएइ वा सुहित्ति वा ताओ विपुलाओ असणाओ 4 संविभागे कए णण्णत्थ सरीर. चिताए / तए णं सा भद्दा धण्णेणं सत्यवाहेणं एवं वुत्ता समाणी हट्ठा जाव आसणाओ अन्मठेइ 2 ता कंठाठिं अवयासेइ खेमकुसलं पुच्छइ 2 ता हाया जाव पायच्छित्ता विपुलाई भोगमोगाई भुंजमाणी विहरइ / तए णं से विजए तक्करे चारगसालाए तेहिं बंधेहिं वहेहिं कसप्पहारेहि य जाव तण्हाए य छहाए य परब्भवमाणे कालमासे कालं किच्चा णरएसुरइयत्ताए उववणे। से गं तत्थ रइए जाए काले कालोभासे जाव वेयणं पच्चणभवमाणे विहरह। से गं तओ उव्वट्टित्ता अणादीयं अणवदग्गं दीहमद्धं चाउरंतसंसारकतारं अणुपरियट्टिस्सइ / एवामेव जंबू ! जे णं अम्हं णिग्गंथो वा णिग्गंथी वा आयरियउवज्झायाणं अंतिए मुंडे भविता अगाराओ अणगारियं पव्वइए समाणे विपुलमणिमोत्तियधणकणगरयणसारेणं लुब्भइ से वि (य) एवं चेव // 48 // तेणं कालेणं तेणं समएणं धम्मघोसा णामं थेरा भगवंतो जाइसंपण्णा कुलसंपण्णा जाव पुन्वाणुपुष्वि चरमाणा जाव जेणेव रायगिहे णयरे जेणेव गणसिलए चेइए जाव अहापडिरूवं उग्गहं उग्गिण्हिता संजमेणं तवसा अप्पाणं . भावेमाणा विहरति / परिसा णिग्गया धम्मो कहिओ। तए गं तस्स धण्णस्स