Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1126

णायाधम्मकहाओ अ. 2 1113 2 ता भोयणपिडए करेइ 2 ता भायणाई पक्खिवइ 2 ता लंछियमुद्दियं करेइ 2 ता एर्ग च सुरभिवारिपडिपुण्णं दगवारयं करेइ 2 ता पंथयं दासचेडं सद्दावेइ 2 ता एवं वयासी-गच्छ णं तुम देवाणुप्पिया ! इमं विपुलं असणं 4 गहाय चारगसालाए धण्णस्स सत्थवाहस्स उवणेहि / तए णं से पंथए भद्दाए सत्यवाहीए एवं वुत्ते समाणे हद्वतुठे तं भोयर्णापडगं तं च सुरभिवरवारिपडि. पुण्णं दगवारयं गेण्हइ 2 ता सयाओ गिहाओ पडिणिक्खमइ 2 ता रायगिहं गरं मझमज्झेणं जेणेव चारगसाला जेणेव धण्णे सत्थवाहे तेणेव उवागच्छइ 2 ता भोयणपिडयं ठावेइ 2 ता उल्लंछेइ 2 त्ता भायणाइं गेहइ 2 त्ता भायणाई धोवेइ 2 ता हत्थसोयं दलयइ 2 त्ता धण्णं सत्थवाहं तेणं विपुलेणं अस. मेणं 4 परिवेसइ / तए णं से विजए तक्करे धणं सत्यवाहं एवं वयासीतुमं गं देवाणुप्पिया ! ममं एयाओ विपुलाओ असणाओ 4 संविभागं करेहि / तए णं से धण्णे सत्थवाहे विजयं तक्करं एवं क्यासी-अविधाइं अहं विजया। एवं विपुलं असणं 4 कागाणं वा सुणगाणं वा दलएज्जा उक्कुरुडियाए वा णं छड्डेज्जा णो चेव णं तव पुत्तघायगस्स पुत्तमारगस्स अरिस्त वेरियस्स पडिणी. यस्स पच्चामित्तस्स एत्तो विपुलाओ असणाओ 4 संविभागं करेज्जामि / तइ जं से धण्णे सत्थवाहे तं विपुलं असणं 4 आहारेइ 2 त्तातं पंथयं पडिविसज्जेह। तए णं से पंथए दासचेडे तं भोयणपिडगं गिण्हइ 2 ता जामेव दिसि पाउडभए तामेव दिसि पडिगए / तए णं तस्स धण्णस्स सत्यवाहस्स तं विपुलं असणं 4 आहारियस्स समाणस्स उच्चारपासवणे णं उवाहित्था तए णं से धणे सत्थवाहे विजयं तक्करं एवं वयासी-एहि ताव विजया ! एगंतमवक्कमामो जेणं अहं उच्चारपासवणं परिवेमि / तए णं से विजए तक्करे धणं सत्थवाहं एवं वयासी-तुम्भं देवाणुप्पिया ! विपुलं असणं 4 आहारियस्त अत्थि उच्चारे वा पासवणे वा, ममं गं देवाणुप्पिया ! इमेहि बहूहिं कसप्प. हारेहि य जाव लयापहारेहि य तण्हाए य छुहाए य परब्भवमाणस्स गस्थि केइ उच्चारे वा पासवणे वा, तं छंदेणं तुमं देवाणुप्पिया! एगंते अवक्कमित्ता उच्चारपासवणं परिवेहि / तए गं से धण्णे सत्यवाहे विजएणं तक्करेणं एवं वृत्ते समाणे तुसिणीए संचिट्ठइ / तए णं से धणे सत्थवाहे महत्तंतरस्स बलिय. तरागं उच्चारपासवणेणं उवाहिज्जमाणे विजयं तक्करं एवं वयासी-एहि ताव