________________ 1094 अंग-पविट्ठ सुत्ताणि गं भंते ! लोए जराए मरणेण य / से जहाणामए केइ गाहावई अगारंसि झियायमाणंसि जे तत्थ भंडे भवइ अप्पभारे मोल्लगुरुए तं गहाय आयाए एगतं अवक्कमइ-एस मे णित्थारिए समाणे पच्छा पुरा य(लोए) हियाए सुहाए खमाए णिस्से. साए आणुगामियत्ताए भविस्सइ-एवामेव ममवि एगे आयाभंडे इठे कंते पिए मणणे मणामे एस मे णित्थारिए समाणे संसारवोच्छेयकरे भविस्सइ,तं इच्छामि गं देवाणप्पियाहि सयमेव पवावियं सयमेव मंडावियं सेहावियं सिक्वावियं सयमेव आयारगोयरविणयवेणइयचरणकरणजायामायावत्तियं धम्ममाइक्खियं / तए गं समणे भगवं महावीरे मेहं कुमारं सयमेव पवावेइ सयमेव आयार जाव धम्ममाइक्खइ-एवं देवाणुप्पिया ! गंतव्वं चिद्वियव्वं णिसीयत्वं तुयट्टियव्वं भुजियत्वं भासियव्वं एवं उढाए उट्ठाय पाणेहि भएहि जीवेहि सत्तेहि संजमेणं संजमियत्वं अस्सि च णं अट्ठे णो पमाएयत्वं / तए णं से मेहे कुमारे समणस्स भगवओ महावीरस्स अंतिए इमं एयारूवं धम्मियं उपएसं णिसम्म सम्म पडिवज्जइ तमाणाए तह गच्छइ तह चिट्ठइ जाव उट्ठाए उट्ठाय पाणेहि भएहि जीवेहि सहि संजमइ // 31 // ज दिवसं च णं मेहे कुमारे मुंडे भवित्ता अगाराओ अणगारियं पव्वइए तस्स णं दिवसस्स पच्चावरण्हकालसमयंसि समणाणं णिग्गंथाणं अहाराइणियाए सेज्जासंथार एसु विभज्जमाणेसु मेहकुमारस्स दारमले सेज्जा. संथारए जाए यावि होत्था / तए णं समणा णिग्गंथा पुव्वरत्तावरत्तकालसमयंसि वायणाए पुच्छणाए परियट्टणाए घम्माणजोगचिताए य उच्चारस्स य पासवणस्स य अइगच्छ माणा य णिग्गच्छमाणा य अप्पेगइया मेहं कुमारं हहि संघटुंति एवं पाएहि सीसे पोट्टे कायंसि अप्पेगइया ओलंडेंति अप्पेगइया पोलडेंति अप्पेगइया पायरयरेणुगुंडियं करेंति / एवं महालियं च णं रणि मेहे कुमारे णो संचाएइ खण. मवि अच्छि णिमीलित्तए। तए णं तस्स मेहस्स कुमारस्स अयमेयारूवे अज्झथिए जाव समुप्पज्जित्था-एवं खलु अहं सेणियस्स रण्णो पुत्ते धारिणीए देवीए अत्तए मेहे जाव सवणयाए, तं जया णं अहं अगारमज्झे वसामि तयाणं मम समणा णिग्गंथा आढायंति परिजाणंति सक्कारेंति सम्माति अट्ठाई हेऊई पसिणाई कारणाई वागरणाई आइक्खंति इट्ठाहि कंताहिं वहिं आलवेंति संलवेंति, जप्पभिई च णं अहं मुंडे भवित्ता अगाराओ अणगारियं पव्वइए तप्पभिई च णं ममं समणा णो आढायंति जाव णो संलवेंति, अदुत्तरं च मम समणा णिग्गंथा राओ पुन्वरत्तावरत्तकालसमयंसि वायणाए पुच्छणाए जाव महालियं च णं रत्ति
