________________ णायाधम्मकहाओ अ. 1 1093 परमं पयं सासयं च अयलं हंता परीसहचणं अभीओ परीसहोवसग्गाणं धम्मे ते अविग्धं भवउ-त्तिकट्टपुणो 2 मंगलजय 2 सई पउंजंति / तए णं से मेहे कुमारे रायगिहस्स णयरस्स मज्झंमज्झेणं णिग्गच्छइ 2 ता जेणेव गुणसिलए चेईए तेणेव उवागच्छइ 2 ता पुरिससहस्सवाहिणीओ सीयाओ पच्चोरुहइ॥२६॥ सए णं तस्स मेहस्स कुमारस्त अम्मापियरो मेहं कुमारं पुरओ कटु जेणामेव समणे भगवं महावीरे तेणामेव उवागच्छंति 2 ता समणं भगवं महावीरं तिक्खुत्तो आयाहिणं पयाहिणं करेंति 2 त्ता वंदंति णमसति वं० 2 ता एवं वयासीएस णं देवाणुप्पिया ! मेहे कुमारे अम्हं एगे पुत्ते इठे कंते जाव जीवियऊसासए हिययणंदिजणए उंबरपुप्फ पिव दुल्लहे सवणयाए किमंग पुण दरिसणयाए ? से जहाणामए उप्पलेइ वा पउमेइ वा कुमुदेइ वा एंके जाए जले संवड्डिए णोवलिप्पइ पंकरएणं णोवलिप्पइ जलरएणं एवामेव मेहे कुमारे कामेसु जाए भोगेसु संवुड्ढे गोवलिप्पइ कामरएणं गोवलिप्पइ भोगरएणं, एस णं देवाणुप्पिया ! संसारभविग्गे भीए जम्मण-जर-मरणाणं इच्छइ. देवाणुप्पियाणं अंतिए मुंडे भवित्ता अगाराओ अणगारियं पवइत्तए। अम्हे गं देवाणुप्पियाणं सिस्सभिक्खं दलयामो। पडिच्छंतु णं देवाणुप्पिया ! सिस्सभिक्खं / तए णं से समणे भगवं महावीरे मेहस्स कुमारस्स अम्मापिऊहिं एवं वुत्ते समाणे एयमह्र सम्म पडिसुणेइ / तए णं से मेहे कुमारे समणस्स भगवओ महावीरस्स अंतियाओ उत्तरपुरच्छिमं दिसीमागं अवक्कमइ 2 ता सयमेव आभरणमल्लालंकारं ओमुयइ / तए णं से तस्स मेहकुमारस्स माया हंसलक्खणेणं पडसाडएणं आमरणमल्लालंकारं पडिच्छा 2 ता हारवारिधारसिंदुवारछिण्णमुतावलिप्पगासाई अंसूणि विणिम्मयमाणी 2 रोयमाणी 2 कंदमाणी 2. विलवमाणी 2 एवं वयासी-जइयव्वं जाया! घडियव्वं जाया ! परक्कमियव्वं जाया ! अस्सि च णं अट्ठे जो पमाएयव्वं, अम्हंपिणं एमेव मग्गे भवउ-त्तिक? मेहस्स कुमारस्स अम्मापियरो समणं भगवं महावीरं वदति णमंसंति वं० 2 ता जामेव दिसि पाउन्भया तामेव दिसि पडिगया // 30 // तए गं मेहे कुमारे सयमेव पंचमट्ठियं लोयं करेइ 2 त्ता जेणामेव समणे भगवं महावीरे तेणामेव उवागच्छइ 2 ता समणं भगवं महावीरं तिक्खुत्तो आयाहिणं पयाहिणं करेइ 2 ता वदइ णमंसइ वं० 2 ता एवं बयासी-आलिते गं भंते ! लोए, पलिते णं भंते ! लोए, आलितपलिते
