________________ णायाधम्मकहाओ अ. 1 1095 णो संचाएंमि अच्छि णिमिल्लावेत्तए, तं सेयं खलु मज्झं कल्लं पाउप्पभायाए रयणीए जाव तेयसा जलंते समणं भगवं महावीरं आपुच्छित्ता पुणरवि अगारमज्झे वसित्तए-त्तिकटु एवं संवेहेइ 2 अट्टहट्टावसट्टमाणसगए णिरयपडिरूवं चणं तं रणि खवेइ 2 ता कल्लं पाउप्पभायाए सुविमलाए रयणीए जाव तेयसा जलंते जेणामेव समणे भगवं महावीरे तेणामेव उवागच्छइ 2 ता तिक्खुत्तो आयाहिणं पयाहिणं करेइ 2 ता वंदइ णमंसइ वं० 2 ता जाव पज्जुवासइ // 32 // तए णं मेहाइ समणे भगवं महावीरे मेहं कुमारं एवं वयासी-से गुणं तुमं मेहा ! राओ पुव्वरत्तावरत्तकालसमयंसि समणेहिं णिग्गंहिं वायणाए पुच्छणाए जाव महालियं च णं राई णो संचाएसि मुत्तमवि अच्छि णिमिल्लावेत्तए, तए णं तुब्भे मेहा ! इमे एयारूवे अज्झथिए जाव समुप्पज्जित्थाजया णं अहं अगारमज्झे वसामि तया णं मम समणा णिग्गंथा आढायंति जाव संलवेंति, जप्पभिई च णं मुंडे भवित्ता अगाराओ अणगारियं पव्वयामि तप्पभिई च णं मम समणा णो आढायंति जाव णो (परियाणंति) संलवेंति अदु. तरं च णं मम समणा णिग्गंथा राओ अप्पेगइया वायणाए जाव पायरयरेणु. गुंडियं करेंति, तं सेयं खलु मम कल्लं पाउप्पभायाए समणं भगवं महावीर आपुच्छित्ता पुणरवि अगारमज्झे आवसित्तए-त्तिकट्ट एवं संपेहेसि 2 ता अट्टदुहवसट्टमाणसे जाव रणि खवेसि 2 ता जेणामेव अहं तेणामेव हव्वमागए, से णूणं मेहा ! एस अट्ठे समठे ? हंता अढे समझें। एवं खलु मेहा ! तुमं इओ तच्चे अईए भवग्गहणे वेय१गिरिपायमले वणयरेहि णिव्वत्तियणामधेज्जे सेए संखदलउज्जलविमलणिम्मलदहिघणगोखीरफेणरयणियरप्पयासे सत्तुस्सेहे णवायए दसपरिणाहे सत्तंगपतिट्ठिए सोमे समिए सुरूवे पुरओ उदग्गे समूसियसिरे सुहासणे पिट्ठओ वराहे अइयाकुच्छो अच्छिद्दकुच्छी अलंबकुच्छी पलंब. लंबोदराहरकरे धणुपट्टागिइविसिट्टपुट्टे अल्लीणपमाणजुत्तवट्टियपीवरगत्तावरे अल्लीणपमाणजुत्तपुच्छे पडिपुण्णसुचारुकुम्मचलणे पंडुरसुविसुद्धणिद्धणिरुवहयविसतिणहे छईते सुमेरुप्पभे णाम हस्थिराया होत्था / तत्थ णं तुम मेहा ! बाहिं हस्थिीहि हस्थिणियाहि य लोट्टएहि य लोट्टियाहि य कलभेहि य कलभियाहि य. सद्धि संपरिवुडे हस्थिसहस्सणायए देसए पागट्ठी पट्टवए जूहवई वंदपरियट्टए अण्णेसि च बहूणं एकल्लाणं हस्थिकलभाणं आहेवच्चं
