________________ णायाधम्मकहाओ अ. 1 1087 ससंभमोवत्तियाए तुरियं कंचभिगारमुहविणिग्गयसीयलजलविमलधाराए परिसिंचमाणा णिव्वावियगायलट्ठी उक्खेवणतालविटवीयणगजणियवाएणं सफुसिएणं अंतेउरपरियणेणं आसासिया समाणी मुत्तावलिसण्णिगासपवडतअंसुधाराहि सिंचमाणी पओहरे कलुणविमणदीणा रोयमाणी कंदमाणी तिप्प. माणी सोयमाणी विलवमाणी मेहं कुमारं एवं वयासी-तुमं सि णं जाया ! अम्हं एगे पुत्ते इठे कंते पिए मणुण्णे मणामे थेज्जे वेसासिए सम्मए बहुमए अणुमए भंडकरंडगसमाणे रयणे रयणभुए जीवियउस्सासए हिययाणंदजणणे उंबरपुप्फ व दुल्लहे सवणयाए किमंग पुण पासणयाए, णो खलु जाया ! अम्हे इच्छामो खणमवि विप्पओगं सहित्तए, तं भुंजाहि ताव जाया ! विपुले माणुस्सए काम. भोगे जाव ताव वयं जीवामो, तओ पच्छा अम्हेहि कालगएहि परिणयवए वड्डियकुलवंसतंतुकमि णिरावयक्खे समणस्स भगवओ महावीरस्स अंतिए मुंडे भवित्ता अगाराओ अणगारियं पव्वइस्ससि // 27 // तए णं से मेहे कुमारे अम्मापिहिं एवं वृत्ते समाणे अम्मापियरो एवं वयासी-तहेव णं तं अम्मयाओ ! जहेव णं तुम्हे ममं एवं वयह-तुमं सि णं जाया! अम्हं एगे पुत्ते तं चेव जाव णिरावयखे समंणस्स भगवओ महावीरस्स जाव पव्वइस्ससि, एवं खलु अम्मयाओ ! माणुस्सए भवे अधुवे अणियए असासए वसण. सउवद्दवाभिभूए विज्जुलयाचंचले अणिच्चे जलबुब्बुयसमाणे कुसग्गजलबिदुसण्णिभे संझन्मरागसरिसे सुविणदंसणोवमे सडणपडणविद्धंसणधम्मे पच्छा पुरं चणं अवस्सविप्पजहणिज्जे, से के गं जाणइ अम्मयाओ ! के पुन्वि गमणाए के पच्छा गमणाए ? तं इच्छामि गं अम्मयाओ ! तुहिं अब्मणुग्णाए समाणे समणस्स भगवओ महावीरस्स जाव पव्वइत्तए / तए गं तं मेहं कुमारं अम्मापियरो एवं वयासी इमाओ ते जाया ! सरिसियाओ सरित्तयाओ सरिव्वयाओ सरिसलावण्णरूवजोव्वणगुणोववेयाओ सरिसेहितो रायकुलेहितो आणियल्लियाओ भारियाओ, तं भुंजाहि गं जाया ! एयाहिं सद्धि विउले माणुस्सए कामभोगे, तओ पच्छा सुत्तभोगे समणस्स भगवओ महावीरस्स जाव पव्वइस्ससि / तए.णं से मेहे कुमारे अम्मापियरं एवं वयासी-तहेवणं अम्मयाओ ! जंणं तुन्भे ममं एवं वयह-इमाओ ते जाया ! सरिसियाओ * जाव समणस्स पम्वइस्ससि, एवं खलु अम्मयाओ ! माणुस्सगा कामभोगा असुई असासया वंतासवा पित्ता
