________________ 1086 अंग-पविट्ट सुत्ताणि तुळे समणं भगवं महावीरं तिक्खुत्तो आयाहिणं पयाहिणं करेइ 2 ता वंदइ णमंसइ वं० ता एवं वयासी-सहहामि णं भंते ! णिग्गंथं पावयणं एवं पत्ति. यामि णं रोएमि णं अब्भुढेमि गं भंते ! णिग्गंथं पावयणं, एवमेयं भंते ! तहमेयं अवितहमेयं इच्छियमेयं पडिच्छियमेयं भंते ! इच्छियपडिच्छियमेयं भंते ! से जहेव तं तुम्भे वयह जं णवरं देवाणुप्पिया ! अम्मापियरो आपच्छामि तओ पच्छा मुंडे भवित्ता णं पच्वइस्सामि / अहासुहं देवाणुप्पिया! मा पडिबंध करेह। तए णं से मेहे कुमारे समणं भगवं महावीरं वंदइ णमंसइ वं० 2 ता जेणामेव चाउग्घंटे आसरहे तेणामेव उवागच्छइ २त्ता चाउग्घंटं आसरहं दुरूहइ 2 ता महया भडचडगरपहकरेणं रायगिहस्स णयरस्स मज्झंमज्झेणं जेणामेव सए भवणे तेणामेव उवागच्छइ 2 ता चाउग्घंटाओ आसरहाओ पच्चोरुहइ 2 त्ता जेणामेव अम्मापियरो तेणामेव उवागच्छइ 2 ता अम्मापिऊणं पायवडणं करेइ 2 त्ता एवं वयासी-एवं खलु अम्मयाओ ! मए समणस्स भगवओ महावीरस्स अंतिए धम्मे णिसंते सेवि य मे धम्मे इच्छिए पडिच्छिए अभिरुइए। तए णं तस्स मेहस्स अम्मापियरो एवं वयासी-धण्णोसि तुम जाया ! संपुग्णोसि० कयत्थोसि० कयलक्खणोसि तुमं जाया ! जण्णं तुमे समणस्स भगवओ महावीरस्स अंतिए धम्मे णिसंते, से वि य ते धम्मे इच्छिए पडिच्छिए अभिरुइए / तए णं से मेहे कुमारे अम्मापियरो दोच्चंपि तच्चपि एवं वयासी-एवं खलु अम्मयाओ ! मए समणस्स भगवओ महावीरस्स अंतिए धम्मे णिसंते, से वि य मे धम्मे इच्छिए पडिच्छिए अभिरुइए, तं इच्छामि णं अम्मयाओ ! तुहि अब्भणण्णाए समाणे समणस्स भगवओ महावीरस्स अंतिए मुंडे भवित्ता णं अगाराओ अणगारियं पव्वइत्तए / तए गं सा धारिणी देवी तं अणि→ अकंतं अप्पियं अमणणं अम. णामं असुयपुवं फरुसं गिरं सोच्चा णिसम्म इमेणं एयारूवेणं मणोमाणसिएणं महया पुत्तदुक्खेणं अभिभूया समाणी सेयागयरोमकूवपगलंतविलीणगाया सोयभरपवेवियगी णित्तया दीणविमणवयणा करयलमलियन्व कमलमाला तक्खण. ओलुग्गदुब्बलसरीरा लावण्णसुण्णणिच्छायगयसिरीया पसिढिलभूसणपडतखुम्मि. यसंचुण्णियधवलवलयपन्भट्टउत्तरिज्जा सूमालविकिणकेसहत्था मुच्छावसणदुचेयगरुई परसुणियत्तव्ब चंपगलया णिवत्तमहेव इंदलट्ठी विमुक्कसंधिबंधणा कोट्टिमतलंसि सव्वर्गाह धसत्ति पडिया / तए णं सां धारिणी देवी
