________________ णायाधम्मकहाओ अ. 1 1085 आलोएमाणे 2 एवं च गं विहरइ / तए णं से मेहे कुमारे ते बहवे उग्गे भोगे जाव एगदिसाभिमुहे णिग्गच्छमाणे पासइ 2 ता कंचुइज्जपुरिसं सद्दावेइ 2 ता एवं वयासी-किण्णं भो देवाणुप्पिया! अज्ज रायगिहे णयरे इंदमहेइ वा खंदमहेइ वा एवं रुद्दसिववेसमणणागजवखभूयणईतलायरुक्खचेइयपव्वयउज्जाणगिरि. जत्ताइ वा जओ गं बहवे उग्गा भोगा जाव एगदिसि एगाभिमुहा णिग्गच्छति / तए णं से कंचइज्जपुरिसे समणस्स भगवओ महावीरस्स गहियागमणपवित्तीए मेहं कुमारं एवं वयासी-णो खलु देवाणुप्पिया! अज्ज रायगिहे णयरे इंदमहेइ वा जाव गिरिजत्ताइ वा जंणं एए उग्गा जाव एगदिसि एगाभिमुहा णिग्गच्छंति एवं खलु देवाणप्पिया ! समणे भगवं महावीरे आइगरे तित्थगरे इहमागए इह संपत्ते इह समोसढे इह चेव रायगिहे गयरे गुणसिलए चेइए अहापडिरूवं जाव विहरइ // 25 // तए णं से मेहे कुमारे कंचुइज्जपुरिसस्स अंतिए एयमलैं सोच्चाणिसम्म हद्वतुळे कोडुंबियपुरिसे सद्दावेइ 2 ता एवं वयासी-खिप्पामेव भो देवाणुप्पिया ! चाउग्घंटे आसरहं जतामेव उवट्ठवेह तहत्ति उवर्णेति। तए णं से मेहे हाए ज़ाव सव्वालंकारविभूसिए चाउग्घंटं आसरहं दुरूढे समाणे सकोरंटमल्लदामेणं छत्तेणं धरिज्जमाणेणं महया भडचडगरविंदपरियालसंपरिबुडे रायगिहस्स गयरस्स मज्झमझेणं णिग्गच्छइ 2 ता जेणामेव गुणसिलए चेइए तेणामेव उवागच्छइ 2 ता समणस्स भगवओ महावीरस्स छत्ताइ. च्छतं पडागाइपडागं विज्जाहरचारणे जंभए य देवे ओवयमाणे उप्पयमाणे पासइ 2 ता चाउग्घंटाओ आसरहाओ पच्चोरुहइ 2 त्ता समणं भगवं महावीरं पंचविहेणं अभिगमेणं अभिगच्छइ तंजहा-संचित्ताणं दव्वाणं विसरणयाए, अचि. ताणं दवाणं अविउसरणयाए, एगसाडियं उत्तरासंगकरणेणं, चक्खुप्फासे अंज. लिपग्गहेणं, मणसो एगत्तीकरणेणं / जेणामेव समणे भगवं महावीरे तेणामेव उवागच्छइ 2 ता समणं भगवं महावीरं तिक्खुत्तो आयाहिणं पयाहिणं करेइ 2 ता वंदइ णमंसइ वं० ता समणस्स भगवओ महावीरस्स गच्चासण्णे गाइ. दूरे सुस्सूसमाणे णमसमाणे पंजलिउडे अभिमहे विणएणं पज्जवासइ / तए णं समणे भगवं महावीरे मेहस्स कुमारस्स तीसे य महइमहालियाए परिसाए मज्झगए विचित्तं धम्ममाइक्खइ जहा जीवा बझंति मच्चंति जह य संकिलिस्संति, धम्मकहा भाणियव्वा जाव परिसा पडिगया // 26 // तए णं से . मेहे कुमारे समणस्स भगवओ महावीरस्स अंतिए धम्म सोच्चा णिसम्म हट
