Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1097

1084 अंग-पविट्ठ सुत्ताणि भवणं कारेंति अणेगखंभसयसण्णिविठं लीलट्ठियसालभंजियागं अब्भुरगयसुकय. वइरवेइयातोरण-वररइयसालभंजियासुसिलिट्ठ-विसिट्ठलट्ठसंठियपसत्थ-वेरुलिय. खंभणाणामणिकणगरयणखचियउज्जलं बहुसमसुविभत्तणिचियरमणिज्जभूमि भागं ईहामिय जाव भत्तिचित्तं खंभुग्गयवयरवेइयापरिगयाभिरामं विज्जाहर. जमलजुयलजंतजुत्तंपिव अच्चीसहस्समालणीयं रूवगसहस्सकलियं भिसमाणं भित्मिप्तमाणं चवखुल्लोयणले सं सुहफासं सस्सिरीयरूवं कंचणमणिरयणथूभियागं णाणाविहपंचवण्ण घंटापडागपरिमंडियग्गसिहरं धवलमिरीचिकवयं विणिम्मयंत लाउल्लोइयमहियं जाव गंधवट्टि भयं पासाईयं दरिसणिज्ज अभिरूवं पडिरूवं // 23 // तए णं तस्स मेहस्स कुमारस्स अम्मापियरो मेहं कुमारं सोहणंसि तिहिकरणणवखत्तमहत्तंसि सरिसियाणं सरिसव्वयाणं सरित्तयाणं सरिसलावण्णरूवजोवणगुणोववेयाणं सरिसएहितो रायकुलेहितो आणियल्लियाणं पसाहणठेंगअविहववहुओवयणमंगलसुजंपिएहि अहिं रायवरकण्णाहिं सद्धि एग. दिवसेणं पाणि गिण्हाविसु / तए णं तस्स मेहस्स अम्मापियरो इमं एयारूवं पीइदाणं दलयंति-अट्ठ हिरण्णकोडीओ अट्ठ सुवण्णकोडीओ गाहाणुसारेण भाणियन्वं जाव पेसणकारियाओ अण्णं च विपुलं * धणकणगरयणमणिमोत्तिय. संखसिलप्पवालरत्तरयणसंतसारसावएज्ज अलाहि जाव आसत्तमाओ कुलवंसाओ पकामं दाउं पकामं भोत्तुं पकामं परिभाएउ / तए णं से मेहे कुमारे एगमेगाए भारियाए एगमेगं हिरण्णकोडि दलयइ एगमेगं सुवण्णकोडि दलयइ जाव एगमेगं पेसणकारि दलयइ अण्णं च विउलं धणकणग जाव परिभाएउ दलयइ / तए णं से मेहे कुमारे उप्पि पासायवरगए फुट्टमाणेहि मुइंगमत्थएहि वरतरुणि. संपउत्तेहि बत्तीस इबद्धहि णाडएहि उवगिज्जमाणे 2 उवलालिज्जमाणे 2 सफरिसरसरूवगंधविउले माणुस्सए कामभोगे पच्चणुभवमाणे विहरइ // 24 // तेणं कालेणं तेणं समएणं समणे भगवं महावीरे पुव्वाणुपुचि चरमाणे गामाणु. गाम दूइज्जमाणे सुहंसुहेणं विहरमाणे जेणामेव रायगिहे णयरे गुणसिलए चेइए जाव विहरइ / तए णं (से) रायगिहे णयरे सिंघाडगतिगचउक्कचच्चर० महया बहुजणसद्देइ वा जाव बहवे उग्गा भोगा जाव रायगिहस्स णयरस्स मज्झमज्झेणं एगदिसि एगाभिमुहा णिग्गच्छंति, इमं च णं मेहे कुमारे उप्पि पासायवरगए फुट्टमाहिं मयंगमत्थएहिं जाव माणुस्सए कामभोगे भुंजमाणे रायमग्गं च