Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1096

णायाधम्मकहाओ अ. 1 1083 तए णं तं मेहं कुमारं अम्मापियरो साइरेगट्ठवासजायगं चेव गभट्ठमे वासे सोहणंसि तिहिकरणमुत्तंसि कलायरियस्स उवणेति / तए णं से कलायरिए मेहं कुमारं लेहाइयाओ गणियप्पहाणाओ सउणरुयपज्जवसाणाओ बावरि कलाओ सुत्तओ य अत्थओ य करणओ य सेहावेइ सिक्खावेइ तंजहा-लेहं गणियं रूवं णटुं गीयं वाइयं सरगयं पोक्खरगयं समतालं जयं जणवायं पासयं अट्ठावयं पोरेकच्चं दगमट्टियं अण्णविहिं पाणविहिं वत्थविहिं विलेवणविहिं सयणविहि अज्ज पहेलियं मागहियं गाहं गीइयं सिलोयं हिरण्णजुत्ति सुवण्णजुत्ति चुण्णजुत्ति आभरणविहि तरुणीपडिकम्मं इथिलक्खणं पुरिसलक्खणं हयलक्खणं गयलक्खणं गोणलक्खणं कुक्कुडलक्खणं छत्तलक्खणं दंडलक्खणं असिलक्खणं मणिलक्खणं कागिणिलक्खणं. वत्थुविज्ज खंधारमाणं णगरमाणं वहं पडिवहं चारं पडिचारं चक्कवूहं गरुलवूहं सगडवूहं जुद्धं णिजुद्धं जुद्धाइ जुद्धं अट्ठिजुद्धं मट्ठिजुद्धं बाहुजुद्धं लयाजुद्धं ईसत्थं छरुप्पवायं धणुव्वेयं हिरण्णपागं सुवण्णपागं सुतखेडं वट्टखेडं णालियाखेडं पत्तच्छेज्जं कडगच्छेज्ज सज्जीवं णिज्जीवं सउणरुयं ति // 20 // तए णं से कलायरिए मेंहं कुमारं लेहाइयाओ गणियप्पहाणाओ सउणरुयपज्जवसाणाओ बावरि कलाओ सुत्तओ य अत्थओ य करणओ य सेहावेइ सिक्खा. वेइ सेहावित्ता सिक्खावित्ता अम्मापिऊणं उवणेइ / तए गं मेहस्स कुमारस्स अम्मापियरो तं कलायरियं महुरेहि वयंणेहिं विउलेणं वत्थगंधमल्लालंकारेणं सक्कारेंति सम्माणेति. स० 2 ता विउलं जीवियारिहं पीइदाणं दलयंति 2 ता पडिविसज्जेंति ॥२१॥तए णं से मेहे कुमारे बावत्तरिकलापंडिए णवंगसुत्तपडि. बोहिए अट्ठारसविहिप्पगारदेसीभासाविसारए गीयरई गंधव्वणट्टकुसले हयजोही गयज़ोही रहजोही बाहुजोही बाहुप्पमद्दी अलंभोगसमत्थे साहसिए वियालचारी जाए यावि होत्या // 22 // तए णं तस्स मेहकुमारस्स अम्मापियरो मेहं कुमार बावत्तरिकलापंडियं जाव वियालचारि जायं पासंति 2 ता अट्ठ पासायडिसए कारेंति अब्भुग्गयमूसिय पहसिए विव मणिकणगरयणभत्तिचित्ते वाउद्धयविजयवेजयंतीपडागाछत्ताइच्छत्तकलिए तुंगे गगणतलमभिलंघमाणसिहरे जालंतर. रयणपंजरुम्मिल्लियन्व मणिकणगथूभियाए वियसियसयपत्तपुंडरीए तिलयरय. णद्धयचंदच्चिए णाणामणिमयदामालंकिए अंतो बहि च सण्हे तवणिज्जरुइलवालयापत्थरे सुहफासे सस्सिरीयरूवे पासाईए जाव पडिरूवे / एगं च णं महं