Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1095

1082 अंग-पविट्ठ सुत्ताणि माणत्तियं पच्चप्पिणह तेवि करेंति 2 तहेव पच्चप्पिणंति / तए णं से सेणिए राया बाहिरियाए उवट्ठाणसालाए सीहासणवरगए पुरत्थाभिमुहे सण्णिसण्णे सइएहि य साहस्सिएहि य सयसाहस्सिएहि य जाएहि य दाएहि य भाएहि य दलयमाणे 2 पडिच्छेमाणे 2 एवं च णं विहरइ / तए णं तस्स अम्मापियरो पढमे दिवसे जायकम्मं करेंति 2 ता बिइयदिवसे जागरियं करेंति 2 ता तइए दिवसे चंदसूरदंसणियं करेंति 2 ता एवामेव णिवत्ते असुइजायकम्मकरणे संपत्ते बारसाहदिवसे विपुलं असणं पाणं खाइमं साइमं उवक्खडावेंति 2 त्ता मित्तणाइणियगसयणसंबंधिपरिजणं बलं च बहवे गणणायगदंडणायग जाव आमंतेंति तओ पच्छा व्हाया कयबलिकम्मा कयकोउय जाव सव्वालंकारविभसिया महइमहालयंसि भोयणमंडवंसि तं विपुलं ,असणं पाणं खाइमं साइमं मित्तणाइ० गणणायग जाव सद्धि आसाएमाणा विसाएमाणा परिभाएमाणा परि जमाणा एवं च णं विहरंति जिमियभत्तत्तरागयावि य णं समाणा आयंता चोक्खा परमसुइभूया तं मित्तणाइणियगसयणसंबंधिपरियणं बलं च बहवे गण. णायग जाव विपुलेणं पुप्फवत्थगंधमल्लालंकारेणं सक्कारेंति सम्माणति स०२ त्ता एवं वयासी-जम्हा णं अम्हं इमस्स दारगस्स गन्भत्थस्स चेव समाणस्स अकालमेहेसु दोहले पाउन्भूए तं होउ णं अम्हं दारए मेहे णामेणं मेहकुमारे / तस्स दारगस्स अम्मापियरो अयमेयारूवं गोण्णं गणणिप्फणं णामधेज्जं करेंति मेहेइ / तए णं से मेहे कुमारे पंचधाईपरिग्गहिए तंजहा-खीरधाईए मंडणधाईए मज्जणधाईए कीलावणधाईए अंकधाईए अण्णाहि य बहूहिं खुज्जाहि चिलाइ. याहि वामणिवडभिबब्बरिबउसिजोणियपल्हवियईसिणिय धोरुगिणि. लासियलउसियदमिलिसिंहलिआरविपुलिदिपक्कणिबहलिमुरुंडिसबरिपारसीहि णाणादेसीहि विदेसपरिमंडियाहि इंगिर्याचतियपत्थियवियाणियाहिं सदेसणेवत्थ. गहियवेसाहि णिउणकुसलाहि विणीयाहि चेडियाचक्कवालवरिसधरकंचइज्ज. महयरगवंदपरिक्खित्ते हत्थाओ हत्थं साहरिज्जमाणे अंकाओ अंकं परिभज्जमाणे परिगिज्जमाणे उवलालिज्जमाणे रम्मंसि मणिकोट्रिमतलंसि परिमिज्जमाणे 2 णिवायणिवाघायंसि गिरिकंदरमल्लीणेव चंपगपायवे सुहंसुहेणं वइ / तए णं तस्स मेहस्स कुमारस्स अम्मापियरो अणुपुटवेणं णामकरणं च पजेमणगं च एवं चंकमणगं च चोलोवणयं च महया 2 इड्ढीसक्कारसमुदएणं करिसु /