Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1094

णायाधम्मकहाओ अ. 1 1081 सम्माणेइ स०.२ ता पडिविसज्जेइ / तए णं से देवे सगज्जियं पंचवण्णमेहोवसोहियं दिव्वं पाउससिरि पडिसाहरइ 2 जामेव दिसि पाउब्भूए तामेव दिसि पडिगए // 18 // तए णं सा धारिणी देवी तंसि अकालदोहलंसि विणीयंसि सम्माणियदोहला तस्स गब्भस्स अणुकंपणटाए जयं चिट्ठइ जयं आसयइ जयं सुवइ आहारं पि य गं आहारेमाणी णाइतित्तं णाइकडुयं णाइकसायं णाइ. अंबिलं णाइमहुरं जं तस्स गब्भस्स हियं मियं पत्थयं देसे य काले य आहारं आहारेमाणी णाइचितं णाइसोयं (णाइदेण्णं) णाइमोहं णाइभयं णाइपरित्तासं ववगचितासोयमोहमयपरित्तासा उउभयमाणसुहेहिं भोयणच्छायणगंधमल्लालंकारेहिं तं गम्भं सुहंसुहेणं परिवहइ // 16 // तए णं सा धारिणी देवी णवण्हं मासाणं बहुपडिपुण्णाणं अट्ठमाण य राइंदियाणं वीइक्कंताणं अद्धरत्तकाल. समयंसि सुकुमालपाणिपायं जाव सव्वंगसुंदरं दारगं पयाया। तए णं ताओ अंगपडियारियाओ धारिणि देवि णवण्हं मासाणं जाव दारगं पयायं पासंति 2 त्ता सिग्धं तुरियं चवलं वेइयं जेणेव सेणिएं राया तेणेव उवागच्छंति 2 ता सेणियं रायं जएणं विजएणं वद्धावेंति 2 ता करयलपरिग्गहियं सिरसावत्तं मत्थए अंजलि कटु एवं वयासी-एवं खलु देवाणुप्पिया! धारिणी देवी णवण्हं मासाणं जाव दारगं पयाया, तं गं अम्हे देवाणुप्पियाणं पियं णिवेएमो पियं भे भवउ / तए णं से सेणिए राया तासि अंगपडियारियाणं अंतिए एयम© सोच्चा णिसम्म हट्टतुट्ठ० ताओं अंगपडियारियाओ महुरेहि वयहिं विउलेण य पुप्फगंधमल्लालंकारेणं सक्कारेइ सम्माणेइ सं० 2 ता मत्थयधोयाओ करेइ पुत्ताणु. पुत्तियं वित्ति कप्पेइ 2 ता पडिविसज्जेइ / तए णं से सेणिए राया (पच्चूस. कालसमयंसि) कोडुंबियपुरिसे सद्दावेइ 2 ता एवं वयासी-खिप्पामेव भो देवाणप्पिया ! रायगिहं जयरं आसिय जाव परिगीयं करेह 2 ता चारगपरिसोहणं करेह 2 ता माणुम्माणवद्धणं करेह 2 ता एयमाणत्तियं पच्चप्पिणह जाव पच्चप्पिणंति / तए णं से सेणिए राया अट्ठारससेणिप्पसेणीओ सद्दावेइ 2 ता एवं वयासी-गच्छह णं तुम्मे देवाणुप्पिया! रायगिहे णयरे अभितरबाहिरिए उस्सुक्कं उक्करं अभडप्पवेसं अदंडिमकुदंडिमं अधरिमं अधारणिज्जं अणुद्धयमुइंगं अमिलायमल्लदामं गणियावरणाडइज्जकलियं अणेगतालायराणुचरियं पमुइयपक्कोलियाभिरामं जहारिहं ठिइवडियं दसदिवसियं करेह 2 ता एय.