________________ 1088 अंग-पविट्ठ सुत्ताणि सवा खेलासवा सुक्कासवा सोणियासवा दुरुस्सासणीसासा दुख्यमुत्तपुरीसपूयबहुपडिपुण्णा उच्चारपासवणखेलजल्लसिंघाणगवंतपित्तसुक्कसोणियसंभवा अधुवा अणियया असासया सडणपडणविद्धंसणधम्मा पच्छा पुरं च णं अवस्स विप्पजहणिज्जा, से के णं अम्मयाओ ! जाणइ के पुटिव गमणाए के पच्छा गमणाए ? तं इच्छामि णं अम्मयाओ! जाव पव्वइत्तए / तए गं तं मेहं कुमारं अम्मापियरो एवं वयासी-इमे ते जाया ! अज्जयपज्जयपिउपज्जयागए सुबह हिरणे य सुवणे य कसे य दूसे य मणिमोत्तिय संखसिलप्पवालरत्तरयणसंतसारसावएज्जे य अलाहि जाव आसत्तमाओ कुलवंसाओ पगाम दाउं पगाम भोत्तुं पगामं परिभाएउं, तं अणुहोहिं ताव जाव जाया ! विपुलं माणुस्सगं इड्डि. सक्कारसमुदयं, तओ पच्छा अणुभयकल्लाणे समणस्स भगवओ महावीरस्स अंतिए जाव पवइस्ससि / तए णं से मेहे कुमारे अम्मापियरं एवं क्यासी-तहेव गं अम्मयाओ ! जंणं तं वयह-इमे ते जाया | अज्जगपज्जगपिउपज्जयागए जाव तओ पच्छा अणुभयकल्लाणे जाव पव्वइस्ससि, एवं खलु अम्मयाओ! हिरण्णे य सुवण्णे य जाव सावएज्जे अग्गिसाहिए चोरसाहिए रायसाहिए दाइय. साहिए मच्चुसाहिए अग्गिसामण्णे जाव मच्चुसामण्णे सडणपडणविद्धंसणधम्मे पच्छा पुरं च णं अवस्सविप्पजहणिज्जे, से के णं जाणइ अम्मयाओ ! के पुटिव जाव गमणाए ? तं इच्छामि गं जाव पध्वइत्तए / तए णं तस्स मेहस्स कुमारस्स अम्मापियरो जाहे णो संचाएंति मेहं कुमारं बहूहि विसयाणलोमाहि आघवणाहि य पण्णवणाहि य सणवणाहि य विण्णवणाहि य आघवित्तए वा पण्णवित्तए वा सण्णवित्तए वा विण्णवित्तए वा ताहे विसयपडिकलाहिं संजमभउव्वेयकारियाहि पण्णवणाहिं पण्णवेमाणा एवं वयासी-एस गं जाया! णिग्गंथे पावयणे सच्चे अणुत्तरे केवलिए पडिपुणे णेयाउए संसुद्धे सल्लगत्तणे सिद्धिमग्गे मत्तिमग्गे णिज्जाणमग्गे णिव्वाणमग्गे सव्वदुक्खप्पहीणमग्गे अहीव एगंतदिट्ठीए खुरो इव एगंतधाराए लोहमया इव जवा चावेयव्वा वालयाकवले इव णिरस्साए गंगा इव महाणई पडिसोयगमणाए महासमुद्दो इव भुयाहि दुत्तरे तिक्खं चंकमियन्वं गह लंबेयव्वं असिधारव्वयं चरियव्वं / णो खलु कप्पड़ जाया! समणाणं णिग्गंथाणं आहाकम्मिए वा उद्देसिए वा कीयगडे वा ठवियए वा रइयए वा दुन्भि. क्खभत्ते वा कंतारभत्ते वा वद्दलियाभत्ते वा गिलाणभत्ते वा मूलभोयणे वा कंद. भोयणे वा फलभोयणे वा बीयभोयणे वा हरियभोयणे वा भोत्तए वा पायए
