Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1088

णायाधम्मकहाओ अ. 1 1075 रियाओ अभितरियाओ दासचेडियाओ धारिणीए देवीए अणाढाइज्जमाणीओ अपरिजाणिज्जमाणीओ तहेव संभंताओ समाणीओ धारिणीए देवीए अंतियाओ पडिणिक्खमंति 2 ता जेणेव सेणिए राया तेणेव उवागच्छंति 2 ता करयलपरिग्गहियं जाव कटु जएणं विजएणं वद्धाति 2 ता एवं वयासी-एवं खलु सामी ! किपि अज्ज धारिणी देवी ओलग्गा ओलग्गसरीरा जाव अज्झाणोवगया झियायइ। तए णं से सेणिए राया तासि अंगपडियारियागं अंतिए एयमलैं सोच्चा णिसम्म तहे व संभंते समाणे सिग्धं तुरियं चवलं वेइयं जेणेव धारिणी देवी तेणेव उवागच्छइ 2 ता धारिगि देवि ओलुग्गं ओलग्गसरीरं जाव अट्ट. ज्झाणोवगयं झियायमाणि पासइ 2 ता एवं वयासी-किणं तुम देवाणुप्पिए / ओलुग्गा ओलुग्गसरीरा जाव अट्टज्झाणोवगया झियायसि ? तए णं सा धारिणी देवी सेणिएणं रण्णा एवं वुत्ता समाणी णो आढाइ जाव तुसिणीया संचिट्ठइ / तए णं से सेणिए राया धारिणि देवि दोच्चंषि तच्वंषि एवं वयासी-किण्णं तुम देवाणुप्पिए ! ओलुग्गा जाव झियायसि ? तए णं सा धारिणी देवी सेणि. एणं रणा दोच्चंषि तच्चंपि एवं वुत्ता समाणी णो आढाइ णो परिजागाइ तुसिणीया संचिट्ठइ / तए णं से सेणिए राया धारिणि देवि सवहसावियं करेइ 2 ता एवं वयासी-कि णं तुम देवाणुप्पिए ! अहमेयस्स अटुस्स अणरिहे सवणयाए ता णं तुमं ममं अयमेयारूवं मणोमाणसियं दुक्खं रहस्सीकरेसि ? तए णं सा धारिणी देवी सेणिएणं रण्णा सवहसादिया समाणी सेणियं रायं एवं वयासी-एवं खल सामी ! मम तस्स उरोलस्स जाव महासुमिणस्स तिण्हं मासाणं बहुपडिपुण्णाणं अयमेयारूवे अकालमेहेसु दोहले पाउडभए-धण्णाओ जं ताओ अम्मयाओ कयत्थाओ णं ताओ अम्मयाओ जाव वेभारगिरिपायमलं आहिंडमाणीओ दोहलं विणिति, तं जइ णं अहमवि जाव दोहलं विणिज्जामि / तए णं हं सामी / अयमेयारूसि अकालदोहलंसि अविणिज्जमाणंसि ओलगा जाव अट्ट ज्झाणोवगया झियायामि / एएणं अहं कारणेणं सामी ! ओलग्गा जाव अट्टज्झाणोवगया झियायामि / तए णं से सेणिए राया धारिणीए देवीए अंतिए एयमझें सोच्चा णिसम्म धारिणि देवि एवं वयासी-मा णं तुम देवाणुप्पिए ! ओलग्गा जाव झियाहि, अहं णं तहा करिस्सामि जहा णं तुभं अयमेयारूवस्स अकालदोहलस्स मणोरहसंपत्ती भविस्सइ तिकट्ट धारिणि देवि इटाहि कंताहि