Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1087

1074 अंग-पविट्ठ सुत्ताणि दुगुल्लसुकुमाल उत्तरिज्जाओ सव्वोउयसुरभिकुसुमपवरमल्लसोहियसिराओकालागरुधूवधूवियाओ सिरीसमाणवेसाओ सेयणयगंधहत्थिरयणं दुरूढाओ समाणीओ सकोरंटमल्लदामेणं छत्तेणं धरिज्जमाणेणं चंदप्पभवइरवेरुलिय. विमलदंडसंखकुंददगरयअमयमहियफेणपुंजसण्णिगासचउचामरवालवीजियंगीओ सेणिएणं रण्णा सद्धि हस्थिखंधवरगएणं पिट्टओ 2 समणुगच्छमाणीओ चाउ. रंगिणीए सेणाए महया हयाणीएणं गयाणीएणं रहाणीएणं पायत्ताणीएणं सवड्ढीए सव्वज्जुईए जाव णिग्घोसणाइयरवेणं रायगिहं णयरं सिंघाडग. तियचउक्कचच्चरचउम्मुहमहापहपहेसु आसित्तसित्तसुइयसंमज्जिओवलित्तं जाव सुगंधवरगंधियं गंधवट्टिभूयं अवलोएमाणीओ णागरजणेणं अभिणंदिज्जमाणीओ गुच्छलयारुक्खगम्मवल्लिगुच्छओच्छाइयं सुरम्म, वेभारगिरिकडगपायमूलं सवओ समंता आहिंडेमाणीओ 2 दोहलं विणियंति / तं जइ गं अहमवि मेहेसु अन्भग्गएसु जाव दोहलं विणिज्जामि // 13 // तए णं सा धारिणी देवी तंसि दोहलंसि अविणिज्जमाणंसि असंपत्तदोहला असंपुण्णदोहला असंमाणिय. दोहला सुक्का भुक्खा णिम्मंसा ओलुग्गा ओलुग्गसरीरा पमइलदुब्बला किलंता ओमंथियवयणणयणकमला पंडइयमही करयलमलियन्व चंपगमाला णित्तेया दीणविवण्णवयणा जहोचियपुप्फगंधमल्लालंकारहारं अणभिलसमाणी कोडारमणकिरियं च परिहावेमाणी दीणा दुम्मणा णिराणंदा भूमिगयदिट्ठीया ओहयमणसंकप्पा जाव झियायइ / तए गं तीसे धारिणीए देवीए अंगपडियारियाओ अभितरियाओ दासचेडियाओ धारिणि देवि ओलग्गं जाव झियायमाणि पासंति 2 ता एवं वयासी-किण्णं तुमे देवाणुप्पिए ! ओलुग्गा ओलुग्गसरीरा जाव झियायसि ? तए णं सा धारिणी देवी ताहि अंगपडियारियाहि अभित. रियाहि दासचेडियाहिं (य) एवं वुत्ता समाणी ताओ दासचेडियाओ णो आढाइ णो परियाणाइ अणाढायमाणी अपरियाणमाणी तुसिणीया संचिट्ठइ। तए णं ताओ अंगपडियारियाओ अभितरियाओ दासचेडियाओ धारिणि देवि दोच्चंपि तच्चंपि एवं वयासी-किण्णं तुमे देवाणुप्पिए ! ओलुग्गा ओलुग्गसरीरा जाव झियायसि ? तए णं सा धारिणी देवी ताहि अंगपडियारियाहिं अभितरियाहिं दासचेडियाहि दोच्चंपि तच्चपि एवं वुत्ता समाणी णो आढाइ णो परियाणाइ अणाढायमाणी अपरियाणमाणी तुसिणीया संचिट्टइ। तए णं ताओ अंगपडिया