________________ 1002 अंग-पविट्ट सुत्ताणि कुसीले तहेव गिरवसेसं, एवं छेदोवट्ठावणियसंजएवि, परिहारविसुद्धियसंजओ जहा पुलाओ, सुहुमसंपरायसंजओ अहक्खायसंजओ य जहा णियंठो 2 / सामाइयसंजए णं भंते ! कि सरागे होज्जा वीयरागे होज्जा ? गोयमा ! सरागे होज्जा णो बीयरागे होज्जा, एवं जाव सुहुमसंपरायसंजए, अहक्खायसंजए जहा णियंठे 3 / सामाइयसंजए णं भंते ! कि ठियकप्पे होज्जा अद्वियकप्पे होज्जा ? गोयमा ! ठियकप्पे वा होज्जा अट्ठियकप्पे वा होज्जा / छेदोवट्ठाव. णियसंजए पुच्छा, गोयमा ! ठियकप्पे होज्जा णो अट्ठियकप्पे होज्जा, एवं परिहारविसुद्धियसंजएवि, सेसा जहा सामाइयसंजए / सामाइयसंजए णं भंते! कि जिणकप्पे होज्जा थेरकप्पे होज्जा कप्पाईए होज्जा ? गोयमा ! जिणकप्पे वा होज्जा जहा कसायकुसीले तहेव, हिरवसेसं, छेदोवद्वावणिओ परिहारविसुद्धिओ य जहा बउसो, सेसा जहा णियंठे 4 // 786 // सामाइयसंजए णं भंते ! किं पुलाए होज्जा बउसे जाव सिंणाए होज्जा ? गोयमा ! पुलाए वा होज्जा बउसे जाव कसायकुसीले वा होज्जा, णो णियंठे होज्जा णो सिणाए होज्जा, एवं छेदोवट्ठावणिएवि / परिहारविसुद्धियसंजए णं भंते ! पुच्छा, गोयमा ! णो पुलाए णो बउसे पडिसेवणाकुसीले होज्जा, कसायकुसीले होज्जा, णो णियंठे होज्जा णो सिणाए होज्जा, एवं सुहमसंपराएवि / अहक्खाय. संजए पुच्छा, गोयमा ! णोपुलाए होज्जा जाव णो कसायकुसीले होज्जा, णियंठे वा होज्जा सिणाए वा होज्जा 5 / सामाइयसंजए णं भंते ! कि पडिसेवए होज्जा अपडिसेवए होज्जा ? गोयमा ! पडिसेवए वा होज्जा अपडिसेवए वा होज्जा, जइ पडिसेवए होज्जा कि मूलगुणपडिसेवए होज्जा० सेसं जहा पुलागस्स, जहा सामाइयसंजए एवं छेदोवट्ठावणिएवि / परिहारविसुद्धियसंजए पुच्छा, गोयमा ! णो पडिसेवए होज्जा अपडिसेवए होज्जा, एवं जाव अहक्खायसंजए 6 / सामाइयसंजए णं भंते ! कइसु णाणेसु होज्जा ? गोयमा ! दोसु वा तिसु वा चउसु वा णाणेसु होज्जा, एवं जहा कसायकुसीलस्स तहेव चत्तारि णाणाई भयणाए, एवं जाव सुहमसंपराए, अहक्खायसंजयस्स पंच णाणाई भयणाए जहा-णाणुसए। सामाइयसंजए णं भंते ! केवइयं सुयं अहिज्जेज्जा ? गोयमा ! जहणेणं अट्ठ पवयणमायाओ जहा कसायकुसीले, एवं छेदोवट्ठावणिएवि / परिहारविसुद्धियसंजए पुच्छा, गोयमा ! जहणेणं णवमस्स पुव्वस्स तइयं आयारवत्थु उक्को
