________________ भगवई स. 25 उ. 7 1003 सेणं असंपुग्णाई दस पुवाई अहिज्जेज्जा, सुहुमसंपरायसंजए जहा सामाइय. संजए / अहक्खायसंजए पुच्छा, गोयमा ! जहणणं अट्ट पवयणमायाओ उक्को. सेणं चउद्दस पुवाइं अहिज्जेज्जा सुयवइरित्ते वा होज्जा 7 / सामाइयसंजए गं भंते! किं तित्थे होज्जा, अतित्थे होज्जा ? गोयमा तित्थे वा होज्जा अतित्थे वा होज्जा जहा कसायकुसीले, छेदोवट्ठावणिए परिहारविसुद्धिए य जहा पुलाए, सेसा जहा सामाइयसंजए 8 / सामाइयसंजए णं भंते ! कि सलिगे होज्जा अण्णलिगे होज्जा गिहिलिगे होज्जा ? जहा पुलाए, एवं छेदोवद्रावणिएवि / परिहारविसूद्धियसंजए णं भंते ! कि० पुच्छा, गोयमा ! दलिपि भावलिंगपि पडुच्च सलिगे होज्जा णो अण्णलिगे होज्जा णो गिहिलिगे होज्जा, सेसा जहा सामाइयसंजए है। सामाइयसजए णं भंते ! कइसु सरीरेसु होज्जा ? गोयमा ! तिसु वा चउसु वा पंचसु वा होज्जा जहा कसायकुसीले, एवं छओवट्ठावणिएवि, सेसा जहा पुलाए 10 / सामा. इयसंजए णं भंते ! कि कम्मभूमीए होज्जा अकम्मभूमीए होज्जा ? गोयमा ! जम्मणं संतिमावं च पडुच्च कम्मभूमीए होज्जा णो अकम्मभूमीए जहा बउसे, एवं छेओवट्ठावणिएवि, परिहारविसुद्धिए य जहा पुलाए, सेसा जहा सामाइयसंजए 11 // 787 // सामाइयसंजए णं भंते ! कि ओसप्पिणीकाले होज्जा उस्सप्पिणीकाले होज्जा णोओसप्पिणिणोउस्सप्पिणिकाले होज्जा? गोयमा ! ओसप्पिंणीकाले जहा बउसे, एवं छेओवट्ठावणिएवि, णवरं जम्मणं संतिभावं च पडुच्च चउसुवि पलिभागेसुणत्थि, साहरणं पडुच्च अण्णयरे पलिभागे होज्जा, सेसं तं चेव / परिहारविसुद्धिए पुच्छा, गोयमा ! ओसप्पिणिकाले वा होज्जा उस्सप्पिणिकाले वा होज्जा गोओसप्पिणिणोउस्सप्पिणिकाले णो होज्जा, जइ ओसप्पिणिकाले होज्जा जहा पुलाओ, उस्सप्पिणिकालेवि जहा पुलाओ, सुहुमसंपराइओ जहा णियंठो, एवं अहक्खाओवि 12 // 788 // सामाइयसंजए णं भंते ! कालगए समाणे किं गई गच्छइ ? गोयमा ! देवगई गच्छइ, देवगई गच्छमाणे किं भवणवासीसु उववज्जेज्जा वाणमंतरेसु उव. बज्जेज्जा जोइसिएसु उववज्जेज्जा वेमाणिएसु उववज्जेज्जा ? गोयमा ! गो भवणवासीसु उववज्जेज्जा जहा कसायकुसीले, एवं छेओवट्ठावणिएवि, परिहारविसुद्धिए जहा पुलाए, सुहमसंपराए जहा णियंठे। अहक्खाए पुच्छा, गोयमा ! . एवं अहक्खायसंजएवि जाव अहजण्णमणक्कोसेणं अणुत्तरविमाणेसु उववज्जेज्जा,
